تأمين الطاقة لفصل الصيف اللي جاي واحد من اهم الملفات الموجودة علي مكتب الحكومة في الوقت الحالي.. ياتري الحكومة بتفكر في الملف ده ازاي.. واية المشروعات اللي شغاله عليها الدولة حاليا لتأمين استمرارية التيار.

الحكومة حاليا قدامها تحدي صعب جدا وهو تأمين الكهرباء لفصل الصيف اللي جاي، خصوصا أن التوقعات كلها بتقول أنه هيكون واحد من اشد الفصول ارتفاعا في درجات الحرارة، وبالتالي هيشهد ارتفاع غير مسبوق في الأحمال الكهربائية وده ممكن يؤدي لعودة تطبيق خطة تخفيف الأحمال على الشبكة من تاني .

من بدري جدا والحكومة بدات تفكر ازاي في تأمين الكهرباء لفصل الصيف اللي جاي، خصوصا أن الدولة اخذت علي نفسها عدم بعودة العودة لتطبيق خطة تخفيف الأحمال، وبالتالي لازم توفر كل الاحتياجات اللازمة لضمان استمرارية تشغيل محطات توليد الكهرباء علي مدار الساعة وميحلش توقف لاي سبب لتوربينات التوليد علشان تفضل شغالة وتولد الكهرباء المطلوبة.

طيب ازاي الحكومة بتستعد لتوفير الكهرباء لفصل الصيف اللي جاي؟.

الحكومة في الوقت الحالي شايفة أنها مش هتحتاج تستورد ولا تضغط علي موارد الدولة الدولارية لاستيراد غاز طبيعي أو مازوت لتشغيل محطات توليد الكهرباء زي ما ما حصل السنة اللي فاتت واللي الحكومة اضطرت فيه لاستيراد عدد كبير من شحنات الغاز الطبيعي والمازوت لتامين احتياجات محطات التوليد وتفضل شغالة علي مدار الساعة لتوليد الطاقة المطلوبة.

خطة الحكومة لتأمين الكهرباء بتعتمد علي الهواء والشمس بشكل رئيسي كمصادر جديدة ومتجددة لتوليد الكهرباء، وفعلا الدولة فتحت الباب قدام القطاع الخاص للدخول والاستثمار في مجالات توليد الكهرباء من طاقات الرياح والشمس، ده واللي حصل وفي الفترة اللي فاتت دخل مصر عدد كبير من كبري الشركات العالمية زي أكوا باور واللي بدات ينفذوا عدد من محطات التوليد في أسوان لاستغلال طاقات الشمس، وفي خليج السويس لاستغلال طاقات الرياح .

طيب اية حكاية المشروع المصري السعودي لتأمين الكهرباء في البلدين؟.

مصر مؤخرا وقعت عقود مع السعودية لتبادل الكهرباء في وقت الحاجة خصوصا أن السعودية واحدة من الدول اللي بتحتاج طاقات كهربائية كبيرة لتشغيل وسائل التبريد والتغلب علي الارتفاع الكبير في درجات الحرارة.
الاتفاق اللي وقعته مصر مع السعودية بيهدف لتبادل الطاقة بقدرات هتوصل لـ3000 ميجاوات وات، وده هيحصل في أوقات الذروة، وهتبدأ يشتغل المرحلة الأولي من الخط ده في شهر مايو اللي جاي بقدرة 1500 ميجاوات وات وهتبدا المرحلة الثانية للتشغيل قبل نهاية السنة بقدرة 1500 ميجاوات برضوا. 

البنود اللي موجودة في العقد بين الحكومتين المصرية والسعودية بتنص علي قيام مصر بتصدير الكهرباء للسعودية في ساعات المساء، وقيام السعودية بتوريد الكهرباء لمصر في ساعات النهار للتغلب علي ارتفاع الأحمال الكهربائية في ساعات الذزرة بين البلدين .