تحدث الرئيس عبدالفتاح السيسي عن الفن قائلا: «أنا خايف على الذوق العام بتاعنا للمصريين والمصريات، وقولنا للإعلام تأثير كبير أوي، المسجد والكنيسة ليهم تأثير كبير أوي وللأسرة أيضا والحقيقة الـ4 عناصر متداخلين بشكل كبير أوي وبيتأثروا ببعض بشكل كبير وكله ينعكس على المجتمع».
لقاء المرأة المصرية والأم المثالية
وأضاف الرئيس السيسي خلال كلمته في لقاء المرأة المصرية والأم المثالية: «الأعمال الفنية التي تتكلف 20 أو 30 مليار جنيه يكون تأثيرها على مجتمعنا يتعدى أرقام كبيرة أوي ننفقها في أمور أخرى كثيرة أرقام أكبر من كدا بكتير، فمجاتش من 20 أو 30 مليار نعمل توازن في الصناعة دي ونرجعها لدورها تاني بس ده مش معناها نمنع، ولكن معناه يكون في صياغة وتنظيم للموضوع».
وتابع الرئيس السيسي:«كان فيه توازن ولكن حصل خلل كبير، أنا نقلت نبض الشارع، ومش وجهة نظر فوقية للموضوع، لأنه بيجيلي قياسات رأي للموضوع وكلها قالت إنه الموضوع محتاج نتكلم فيه ونراجع نفسنا فيه ونعمله، كل سيدة أم مثالية عندها حكاية وحكاية رائعة جدا، لو اتعملت من كاتب جيد وسيناريو جيد وممثلين جيدين هيطلع حاجة حلوة تعيد بالربح للي عاوز يتربح إنما اللي كنا ماشيين فيه خوفت علينا».
0 تعليق