كشف الدكتور محمد أسامة رئيس الجهاز الطبي للفريق الأول لكرة القدم بنادي الزمالك، عن تفاصيل إصابة محمود عبد الرازق "شيكابالا" ومصطفى شلبي ثنائي الأبيض خلال مباراة بتروجت التي أقيمت في إطار منافسات بطولة كأس عاصمة مصر، ويعرض موقع تحيا مصر التفاصيل.
تصريحات طبيب الزمالك
وقال رئيس الجهاز الطبي في تصريحات للمركز الإعلامي لنادي الزمالك إن إصابة "شيكابالا" عبارة عن كدمة في الركبة.
وفيما يخص مصطفى شلبي، أوضح الدكتور محمد أسامة أن التشخيص المبدئي للإصابة هو عبارة عن كدمة في الساق، وسيخضع لمزيد من الفحوصات الطبية خلال الساعات المقبلة لتحديد حجم الإصابة.
موعد مباراة الزمالك أمام سيراميكا كليوباترا في كأس مصر
ويستعد الفريق الأول لكرة القدم بنادي الزمالك لمواجهة سيراميكا كليوباترا المقرر لها يوم الجمعة المقبل في إطار الدور نصف النهائي لبطولة كأس مصر.
انتقال زيزو إلى الأهلي
قال خالد الغندور عبر راديو أون سبورت: “كل اللي مكتوب علي المواقع طالع من داخل النادي الأهلي، علشان كده مش هنكرز معاه”.
وأضاف: “الأهلي عاوز يوصل للإعلام إن زيزو هياخد 30 مليون، ودي حاجة مضحكة يعني عاوز من الزمالك 80 وهياخد من الأهلي 30، لما يبقي في نجم وأحب أخليه يفقد جماهيرية وجمهور الزمالك، عشان أغريه يروح المنافس لازم أديه فلوس كتير”.
وأكمل: “المعلومات اللي عندي في الأهلي عارضين عليه مبلغ كبير أوي، بجانب هدايا وعربيات، ووالد زيزو هو اللي متفق علي كل حاجة لكن التوقيع هو ممضاش لغاية دلوقتي”.
وأكد: “الصراحة والطبيعي هو ممضاش، لأن زيزو كان عنده معسكر بقاله خمس أو سبع أيام مع المنتخب وكان في المغرب، ووالده ميقدرش يمضي مكانه إلا لو كان عامل لوكيله توكيل، ووالده مش معتمد كوكيل يعني هو بيتافاوض كوالده”.
وزاد: “اه زيزو ممكن يروح الأهلي بنسبة 50-60%، لأن زيزو جايله الريان القطري أو قطر، يعني الاختيار ما بين الأهلي وقطر”.
وأتم خالد الغندور: “قولا واحدا هل الزمالك هيجدد له لا مش هيجدد له، الطلبات المطلوبة عشان يجدد للزمالك كبيرة جدًا جدًا جدًا، حتي النادي الأهلي ميقدرش عليها”.
0 تعليق