الذهب في الفترة الحالية محقق مكاسب محدش كان يتوقعها واسعار في الطالع.. ياتري هل الذهب هيوصل لـ5 الاف جنية قبل العيد.. وامتي الذهب ممكن يرجع اسعار تنخفض تاني؟

اسعار الذهب في مصر الفترة دي عدت الحدود خصوصا أن سعر الجرام عيار 21 حاليا داخل علي 4300 جنية للجرام بدون اسعار المصنيعة، ودي اعلي سعر وصل له سعر جرام الذهب في مصر حتي في الفترات اللي فاتت واللي كانت مصر عندها ازمة في العملات الأجنبية وعندها سوق سوداء كبيرة في التجارة بالعملات موصلناش للارقام دي.

 الغريب أن اسعار الذهب في مصر في الفترة دي بترتفع بارقام كبيرة، ولو حصل نزول بيكون بارقام بسيطة، والذهب خلال فترة قليلة قوي حقق أكثر من 1000 جنية مكسب علي سعره الحقيقي، وكل ده بيحصل في وقت مصر عنها استقرار من فترات بعيدة لاسعار صرف العملات في البنوك ومعندهاش سوق سودا في التجارة بالعملات، وكل التحويلات والمعاملات المالية حاليا بتم عن طريق البنوك والقنوات الرسمية، وللاسف برضوا اسعار الذهب كل يوم بترتفع عن اليوم اللي قبله.

طيب اية اسباب ارتفاع اسعار الذهب في مصر؟.

في الحقيقة أن الارتفاع اللي حصل في اسعار الذهب في مصر مهلوش اي اسباب داخلية، وان الارتفاع اللي حصل ده بتاثير السعر العالمي واللي كل يوم بيسجل ارتفاعات جديدة بسبب الحرب التجارية اللي موجودة من وقت ما دونالد ترامب رجعت لولايته الثانية بالبيت الأبيض واللي اعلن عن فرض ضرائب جمركية علي كل البضائع اللي داخله للسوق الأمريكي، وطبعا الرسوم دي عملت ازمة كبيرة في دول الأنتاج خصوصا الصين واللي لها نسبة كبيرة جدا من بضائعها بتدخل السوق الامريكي وبالتالي هتكون اول دولة متاثره من القرار، وبكين طلعت وقالت أن الرسوم الجمركية الامريكية مش هتعدي كده بالساهل وانه هيكون في رد مناسب عليها.

القرارات التجارية للصين والولايات المتحدة الامريكية كان لهم صدي جامد جدا علي مستوي التجارة العالمية وعملوا ازمة كبيرة في البورصة العالمية، وبسبب في لخبطة كبيرة في الأسعار وخصوصا اسعار الذهب ومتوقع أن الارتفاع في الأسعار ده بيفضل موجود لحد ما الصين والولايات المتحدة يوصلوا لحد وسط لانهاء الصراع.

طيب امتي اسعار الذهب ترجع لطبيعتها في مصر مرة تانية؟.

السؤال ده جاوبت عليه شعبة الذهب واللي قالت أن الاسعار في مصر مرتبطة بالسعر العالمي، وطول ما في زيادة عالمية هيكون في زيادة داخلية، وهتفضل الاسعار مرشحة للزيادة ومش بعيد في وقت قريب قوي نلاقي اسعار الذهب داخله علي 5000 جنية، ونصحت المواطنين اللي بستثمروا فلوسهم في المعدن الأصفر بالنزول فورا للشراء خصوصا ان التوقعات بتقول أن الاسعار مرشحة للزيارة خلال الفترة اللي جاية أكثر من كده.