يا ترى هل سعر الدولار الأمريكي أثر على أسعار الدهب، طب إيه شكل التأثير ده.. هل ساهم في ارتفاع سعر المعدن الأصفر ولا انخفاضه، وإيه طبيعة العلاقة بين الدولار والدهب خاصة في الفترة الجاية. 
 

في الفترة الأخيرة، أسعار الدهب حققت ارتفاعات قياسية عالميا، عشان يوصل سعر الأونصة ل 3 آلاف دولار، ولكن طبعا في أسباب كتير بتقف ورا الارتفاع ده وأهمها هو سعر الدولار.

والكلام ده معناه إن في حالة وجود ضغط من الدولار على الدهب فسعر المعدن الأصفر بينزل والعكس، لأن العلاقة بينهم عكسية لو واحد فيهم ارتفع التاني بينزل فورا.

وحاليا، زادت التوقعات عن استمرار أسعار الفايدة الأمريكية زي ما هي بدون تغيير في المرحلة الجاية، عشان ده ينعكس بشكل سلبي على سعر الدولار، وبشكل إيجابي جدا على الدهب.

ونقدر نقول إن في الساعات الأخيرة، تراجع الدهب بشكل طفيف، بسبب عمليات البيع لجني الأرباح بعد المستوى التاريخي اللي سجله خلال 24 ساعة، وده بالإضافة لارتفاع مستويات الدولار الأمريكي لليوم الثالث على التوالي، عشان يزيد الضغط السلبي على الدهب في ظل العلاقة العكسية بينهم.

ونقدر نقول إن سبب الارتفاع الطفيف للدولار الأمريكي، كان تزايد التوقعات بأن البنك الاحتياطي الفيدرالي هيبقي أسعار الفائدة بدون تغيير على المدى القريب، وسط تزايد حالة عدم اليقين بخصوص النمو الاقتصادي ورسوم ترامب الجمركية.

وكان البنك الاحتياطي الفيدرالي، أبقى على سعر الفائدة الرئيسي ثابتا عند نطاق 4.25%-4.50%، وتوقع أعضاء البنك أنه يقوم بتخفيضين بواقع ربع نقطة مئوية بحلول نهاية 2025.

ووسط كل ده، مازال الدهب بيتداول فوق مستوى 3000 دولار للأونصة، ومع استمرار ارتفاع الطلب عليه كملاذ آمن في ظل تزايد حالة عدم اليقين بشأن الاقتصاد الأمريكي والتعريفات التجارية اللي فرضها الرئيس دونالد ترامب على الصين وكندا وغيرها.

ومتوقع جدا إن الدهب يشهد انخفاض لمستوى 3000 دولار للأونصة، عشان يستعيد بعض الزخم قبل استكمال الاتجاه الصاعد اللي بيظل متاح له بشكل كبير.

أما بخصوص أسعار الدهب في مصر، فمتوقع إن " عيار 21" اأكثر شيوعاً يرتفع بشكل طفيف يوم، عشان يوصل لحوالي 4500 جنيه في الفترة الجاية.