تحقيق الاكتفاء الذاتي هدف رئيسي للحكومة في الوقت الحالي، والمرة دي هيكون الاكتفاء الذاتي من محصول السكر.. وكمان هنبدأ التصدير .. ياتري الحكومة هتحقق الهدف ده ازاي.. ومصر مستهدفة تبدأ تصدير منتج السكر امتي.
الاكتفاء الذاتي واحد من اهم بنود اجندة الحكومة في الفترة الرئاسية الجديدة، خصوصا في مجالات الأمن الغذائي واللي بتستنزف الجزء الأكبر من موارد مصر الدولارية، وكمان الدولة مش هتقدر تتاخر عن توفير سلعة أو خدمة معينة الشعب محتاجها، وبالتالي الحكومة ملزمة بتوفير علي للناس مهما كان سعرها، خصوصا أن تأمين اوتوفير الأمن الغذائي بيعد اهم بنود في خطة مصر الاقتصادية خصوصا ان هيوفر جزء كبير من موارد مصر الدولارية اللي بتكون مخصصة للاستيراد، وكمان ممكن يكون باب دولاري لمصر من التصدير.
طبعا كلنا شعنا الازمة الصعبة اللي حصلت في 2023، واللي مصر كانت بتعاني فيها من نقص سلعة السكر ووصل سعره في مصر لرقم قياسي وكان فيه خناقات كتيرة بين الناس في الشوارع وعلي المنافذ التموينية علشان يحصلوا علي كيلو سكر، والحكومة علشان تحل الأزمة دي اضطرت أنها تفتح باب الاستيراد لسلعة السكر من الخارج، وخصصصت للاستيراد ده ارقام دولارية كبيرة من ميزانية مصر، وه عمل عبئ اضافي علي الحكومة لتوفير السلع اللي بيحتاجها المواطن المصري.
طيب اية اللي عملته مصر علشان تحقق اكتفاء ذاتي من سلعة السكر؟.
الفترة اللي فاتت الحكومة عملت شغل كتير جدا في مشروعات استصلاح الأراضي الزراعية وعملت اكثر من مشروع لاستصلاح الاراضي الصحراوية الصالحة للزارعة، أهمه مشروع مستقبل مصر واللي بيعد نوه مشروع الدلتا الجديدة واللي بتوصل مساحته لـ2.2 مليون فدان والل هيعتمد على مياه الآبار، بالاضافة الي سحب جزء من مياه للمشروع من فرع رشيد .
الحكومة بتستهدف من المشروع زيادة زراعات المحاصيل الاستراتيجية الأصلية زي محاصيل الحبوب والسكر والزيوت ، وكان اهم نتائجه أن الحكومة قدرن تحقق الاكتفاء الذاني من إنتاج السكر بعد ما كنا بنستورد 30% من احتياجاتنا في السكر.
خطة مصر لتحقيق الاكتفاء الذاتي من محصول السكر واللي وصلنا بانتاجه لـ 100% واللي كان نسبة كبيرة من نجاحها كانت قايمة بشكل رئيسي مشروع مستقبل مصر بعد ما الحكومة توسعت فيه من زراعة محصول بنجر السكر ده غير الزراعات التعاقدية في أكبر 6 مصانع للسكر.
وعلشان نكون عارفين أن جزء كبير من نجاح في تحقيق الاكتفاء الذاتي من محصول السكر كان الشغل الكبيرة اللي عملته الحكومة في تطوير مصانع انتاج السكر من محاصيل قصب السكر وبنجر السكر، خصوصا أن المصانع دي وفرت علي مصر ملايين الدولارت كانت الدولة بتخصصهم لاستييراد السكر، وفي الوقت الحالي خطة الحكومة بتستهدف زيادة التوسع في زراعات محاصيل السكر للاتجاه للتصدير بعد ما نجحنا في تحقيق الاكتفاء الذاتي المحلي .
0 تعليق