طالب الإعلامي مصطفى بكري، أجهزة الدولة بالسماح بالتظاهر لدعم فلسطين وموقف الرئيس عبد الفتاح السيسي من التجهير.

وقال “بكري” خلال برنامج "حقائق وأسرار" المذاع على قناة "صدى البلد": "ولكن مصر لديها من القوة ما يجعلها تقف قوية لا مساعدات أمريكية هتهزنا ولا معونة عسكرية هتهزنا ومصر لديها القدرة على مواجهة كل التحديات مفيش حد هيلوي دراعنا ومفيش حد هيكسر إرادتنا ولا هيملي شروطه علينا بأي حال من الأحوال".

وأضاف: "أنا شايف الاصطفاف الوطني ولكن اسمحولنا نعمل مظاهرات دعم للقيادة السياسية فلتكن هناك مظاهرات في مصر تطلع بشكل واضح تقول لا، أنا عارف أن في بعض الناس بتندس الجماعة إياهم ولكن لا ملهمش مكان ولو واحد نطق بكلمة هياخد على دماغه".

وتابع: "انا بتمنى ياحكومة أنه يتم فتح المظاهرات دعما للشعب الفلسطيني وقضيته لأن اللي بيحصل خانقنا ومخلص على نفسيتنا على الأقل مطلوب نعمل ده ولو بشكل منظم في الجامعات أو المؤتمرات مطلوب الناس تقف وتقول إحنا معاكي يا فلسطين وإحنا وراك يا سيادة الرئيس".

وأكمل: "في ضغوط والكلام ده قالته منصة أمريكية قالت إن الرئيس عبد الفتاح السيسي بيتعرض لضغوط رهيبة والراجل ده ميقفش لوحده لازم الأجهزة المعنية والدولة المصرية، اسمحوا بالمظاهرات في أماكن محددة خلينا نقوله إحنا معاك يا ريس في موقفك الوطني في موقفك العروبي إحنا مش هنسيب لا فلسطين ولا سيناء ولا أي جزء من أرضنا يعملوا اللي عايزين يعملوه هي الضغوط الامريكية دي هتكسر دراعنا؟".

وأوضح: "الشعب المصري عنده مخزون وطني يفجر الدنيا كلها دفاعا عن بلده وعمر المخزون ده ما بيستخدم إلا بالشكل الصح".