يا ترى الدهب رايح على فين، وإيه طبيعة الأسعار العالمية للمعدن الأصفر دلوقتي وتوقعات الشهور الجاية أو النصف الثاني من سنة 2025، هل ممكن تحصل قفزات عالمية وتؤثر على الأسواق المحلية، ولا ممكن يحصل تراجع مفاجئ.

في الأيام الأخيرة، سعر الذهب العالمي حقق ارتفاع كبير، وقرب من أعلى مستوى قياسي، في الوقت اللي الأسواق فيه بتترقب قرارات جديدة للرئيس الأمريكي، دونالد ترامب عن التعريفات الجمركية التبادلية الجديدة.

وبالفعل، سجل سعر أونصة الدهب العالمي ارتفاع بنسبة 0.5%، عشان يوصل لأعلى مستوى عند 3135 دولار للأونصة، بعدما ما كان افتتح تداولات عند المستوى 3114 دولار للأونصة، ولكن حاليا بيتداول عند  3130 دولار للأونصة، وفق تحليل جولد بيليون.

ونقدر نقول إن سعر الدهب العالمي، ارتفع في الأيام الأخيرة بأكتر من 400 دولار، وده لأن المعدن الأصفر بيعتبر ملاذ آمن للادخار والاستثمار، وكمان بسبب  التوترات الجيوسياسية وأحداث الشرق الأوسط، وكمان حالة عدم اليقين الاقتصادي المتعلقة بتأثير التعريفات الجمركية الأمريكية على الأسواق والنمو والاقتصادي.

" title="بعد ارتفاع أسعاره عالميا تأثرا برسوم ترامب.. شوف مستقبل الدهب في 2025؟" frameborder="0">

كل دي طبعا بتدفع المستثمرين والبنوك العالمية للتحوط من أي أزمات عالمية محتملة، وبتلجأ لشراء كميات كبيرة من الدهب عشان تحصن نفسها كويس من أي خسائر أو أزمات مالية ممكن تحصل، وبالتالي مع كثرة الطلب على الدهب فبترتفع أسعاره.

كمان، متوقع إن ترامب يعلن عن فرض رسوم جمركية جديدة شاملة على عدد من الشركاء التجاريين للولايات المتحدة الأمريكية، عشان كده الرسوم دي منكن تتسبب في تباطؤ النمو الاقتصادي وزيادة النزاعات التجارية بين الدول، أو ما يعرف بالحرب التجارية.

وحاليا، بيتلقى الدهب كل الدعم سواء من الجانب الجيوسياسي أو الجانب الاقتصادي، وكمان جت رسوم ترامب الجمركية عشان ترفع أسعاره تاني، عشان يوصل لللقمة السعرية التاريخية اللي سجلها عند 3149 دولار للأونصة.

متوقع كمان، إن سعر الدهب العالمي يستمر في الصعود خلال الأسبوع ترا الجاية، خاصة في ظل زيادة أو تصاعد مخاوف الركود التضخمي، فهنا الطلب على الدهب كملاذ آمن  وتحوط ضد التضخم بتبقى فرصه أكبر.

كل ده بجانب انخفاض مؤشرات الأسهم العالمية خلال الأسبوع ده وتراجع الدولار الأمريكي، فدي برضو كانت أسباب بتستدعي مخاوف المستثمرين عشان كده لجأوا للدهب عشان بتحوطوا بيه.

وبنهاية شهر أبريل، فمتوقع إن أسعار الدهب توصل ل  3200 دولار للأونصة، وكمان هيوصل ل 3500 دولار للأونصة بنهاية السنة دي 2025، عشان يفضل الدهب يحقق مكاسب عالمية ويأكد للجميع بأنه أفضل وعاء إدخاري والحصان الرابح للاستثمار.