خرج الإعلامي شريف مدكور للرد على سيدة أثارت حالة من الجدل حول وفاته، حيث أعلنت رحيله بعد تعرضه لوعكة صحية شديدة، الأمر الذي تسبب في خوف وذعر محبيه في الساعات الماضية من بينهم والدته.
شريف مدكور لسيدة روجت لشائعة وفاته: انتي ملتك اي؟
وقال شريف مدكور في فيديو رصده موقع تحيا مصر عبر حسابه الرسمي بموقع التواصل الاجتماعي فيسبوك، ردا على شائعة وفاته: فيه سيدة عاملة فيديو بتقول فيه أني توفاني الله بعد وعكة صحية، أنا عرفت ده لما كلمت أمي ولقيتها مذعورة ومخضوضة عليا، تخيلوا أم شايفة خبر وفاة ابنها، عايز أعرف أنتي ملكِ إيه؟ للأسف أنا شخصية مؤدبة مش هعرف أشتمك ولا أهينك.. هتتسجني وبنتك هتتشرد وهتبوسي إيدي ورجلي وتتذللي علشان أتنازل، أنتي عندك بنت هتربيها إزاي؟ اللي عملتيه ده ممكن يرميكي في السجن.
شريف مدكور لسيدة روجت لشائعة وفاته: انتي كائن مقرف
وتابع شريف مدكور حديثه، قائلا: أنتي مبتعرفيش تتكلمي، وصوتك يقرف وطريقتك تقرف وأنتي كائن مقرف، وأنا عمري ما وصفت حد بكده بس أنتِ مقرفة وأتمنى تسمعي الوصف اللي بوصفه ليكي، وأنا لو فاضي ليكي وعندي وقت هاجي أجيبك من قفاكي واسجنك.
شريف مدكور يثير الجدل بتصريحاته الدينية
من ناحية أخرى، كان قد سبق وآثار شريف مدكور حالة من الجدل بسبب تصريحاته الدينية عن عدم وجود عذاب في القبر، الأمر الذي جعله يتعرض لهجوم كبير على مواقع التواصل الاجتماعي المختلفة، حيث قال شريف مدكور في تصريحاته: قال تعالى(كل نفس ذائقة الموت و إنما توفون أجوركم يوم القيامة) قال يوم القيامة و لم يقل و إنما توفون أجوركم في القبر.. أو يقول و إنما توفون بعض أجوركم في القبر.. أو يقول و إنما ستتعرفون على مقاماتكم في القبر.. هذه الآية الكريمة الصريحة و الواضحة تأكد و تبين لكل من يتدبر القرآن أنه لا يوجد أي شيء في القبر.
ورد شريف مدكور على الانتقادات التي تعرض لها بسبب هذا التصريح بطريقة مثيرة أيضا، قائلا: أنا اتكلم في الدين براحتي و اقول اللي أنا عوزه مدام مش بكفر حد و الحاجه الوحيده اللي مش من حق مخلوق يقولي متتكلمش فيها هي ديني علي الاقل أنا ببحث و بجتهد علشان أزود إيماني و يقيني و الله أعلم….أنا مش خروف همشي ورا كلام حد … كل واحد يلم نفسة علي الأقل أنا مش بتاجر و لابعمل سبوبة من ديني و ربنا عارف نيتي و هو اللي بيحاسب في الاخر، ورجاء محدش يقولي ان الدين ده دراسه و علم خلي كل واحد في نفسه ارجوكم.
0 تعليق