انتقد الإعلامي عمرو أديب أن قرار الحكومة زيادة أسعار الوقود مشيرا إلى أن الزيادة كبيرة وسوف تكون هناك زيادة أخرى مرتين خلال العام الجاري.

وقال أديب خلال برنامج "الحكاية" المذاع على قناة "أم بي سي مصر": “القرار ده هيتكرر على الأقل مرتين لغاية آخر السنة، في فرق في السولار 3-4 جنيه أنت ناوي المرة الجاية تزود الـ 4-3 جنيه على بعض؟ أرجوكم لو سمحتوا لو معندكش واحد في الوزارة بيعرف يعمل الحكاية دي هات واحد هات اتنين غير الوزارة”.

وأضاف: "أنا مثلا لما تكلمني معرفش اعملك الجدول ده ولكن لازم انقلك الناس بتقول ايه الناس مستغربة ومحدش كان متوقع طيب استني شوية جمدها تلات شهور، الناس بتزهق وبتدايق".

وتابع: "الناس دلوقت كل مواطن حاطط ايده في جيب المواطن التاني، أنا لازم يبقي دخلي كام عشان اعرف أعيش في هذه الدولة العظيمة؟".

وأوضح: "عربيات مدارس طبعا هتزيد طلبه رايحة جامعات أنابيب في البيوت طبعا هتزيد، في ناس هتقولي ياعمرو متزودهاش، مش أنا اللي مزودتها الحكومة اللي زودتها".

وواصل: "في ناس بتقولك مهو زودها مرة والتانية اية يعني ما الناس بتستحمل، هو ده جزائهم؟ سؤال بضمير هل القرار ده بالشكل ده صح؟".

وكانت الحكومة قد رفعت للمرة الثانية خلال 6 أشهر، أسعار المواد البترولية، متوقعة أن تحقق وفرًا قدره 35 مليار جنيه في ميزانية السنة المالية الحالية 2024-2025.