حسام حبيب يخرج عن صمته ليعلّق على الشائعات المنتشرة مؤخرًا بشأن ارتباطه بعارضة الأزياء الأردنية سارة، مؤكدًا أن الأمر لم يتطور إلى الخطوبة كما أشيع، وأن تداول الأنباء على مواقع التواصل تسبب في تعقيد الأمور مع أسرتها، التي وصفها بـ«الناس المحترمين».

حسام حبيب يخرج عن صمته

في تصريحات خاصة لبرنامج «ET بالعربي»، قال حبيب: “الموضوع موصلش للخطوبة نهائي، هُمّه سبقوا الأحداث وخلوا الموضوع يتعقد بدل ما يحصل فيه خير.. مش عارف أقولهم إيه بصراحة؟ ومش عارف الناس عايزين إيه مني بجد؟ على طول الناس بتخربلي حياتي”.

“بوّظوا كل حاجة بسبب الترند”

أشار حبيب إلى أن الشائعات والتكهنات أضرت بعلاقته مع سارة قبل أن تتخذ مسارًا جديًا، مؤكدًا احترامه لعادات وتقاليد أسرتها، قائلًا: “وإن كان فيه حاجة هما كده بوّظوها لأن أهل البنت ليهم عاداتهم وتقاليدهم، وناس محترمين زي ما إحنا زمان لينا عاداتنا وتقاليدنا، وكنا بنحترم يعني إيه بنت، مش عارف إيه اللي حصل للمصريين؟ النخوة اللي كانت عندنا راحت فين؟”.

وأضاف حبيب بانفعال: “الناس بقت بتتكلم في أي حاجة لمجرد الترند وتحقيق المشاهدات بس، ويقولوا حسام هو اللي بيدور على اللقطة. فين اللقطة اللي بدوّر عليها؟ إنتوا اللي بتدوروا ورايا.. ابعدوا عن حياتي بقى”.

دعوة لاحترام الخصوصية

اختتم حبيب تصريحاته برسالة واضحة إلى جمهوره ومتابعي الوسط الفني، مؤكدًا أن ما يتم تداوله دون تحقق يضر بحياة الأشخاص: “إمتى هتسيبوا الناس في حالها؟ عمرنا ما اتكلمنا عن مين خطب ومين اتجوز، دلوقتي بيتكلموا عن بنت ليها عيلة، وكل الهم بقى الترند والفيديو ده يجيب كام؟!” يُذكر أن حسام حبيب لا يزال تحت الأضواء بعد طلاقه من الفنانة شيرين عبد الوهاب، ما يجعل كل ما يخص حياته الشخصية محل اهتمام واسع على السوشيال ميديا.