بعد قرار البنك المركزي بتخفيض اسعار الفايدة، كل الناس بتسال علي اسعار الذهب، والاسعار هتروح فين الفترة اللي جاية .. وهل الاسعار لسه مرشحة للزيارة.

يوم 17 أبريل الجاري البنك المركزي أخذ قرار تاريخي لأول مرة بتخفيض اسعار الفايدة في مصر  بمقدار 225 نقطة أساس،  علشام يوصل سعر عائد الإيداع إلى 25.00% وسعر الإقراض إلى 26.00%، والقرار ده كان السبب الاساسي فيه هو انخفاض التضخم وعودة النشاط الاقتصادي التدريجي وتحسن التوقعات المستقبلية للاقتصاد المصري، وده اللي عطي للبنك المركزي ثقة كافية للبدء في تخفيف السياسة النقدية تدريجيًا، وفي الفترة اللي جاية البنك المركزي هيكون مراقب بشكل كويس قوي المؤشرات علشان يضمن أنه ميحصلش اي تراجع تضخمي للاقتصاد المصري من جديد.

طيب اية اللي هيحصل في اسعار الذهب الفترة اللي جاية؟.

كل خبراء الاقتصاد أجمعوا أن اسعار الذهب في مصر هتواصل رحلتها في الصعود خصوصا بعد قرار البنك المركزي بخفض اسعار الفايدة، خصوصا أن القرار ده هيخلي إقبال العملاء والناس اللي بتستثمر فلوسها في الشهادات تقل، وبالتالي الناس هتبدأ تدور علي وعاءات ادخارية جديدة علشان تستثمر فيها فلوسها، وهيكون الذهب هو الحصان الرابح في الموضوع ده كله خصوصا أن اسعار الايام دي في الطالع وهيكون عليه اقبال كبير بسبب من الناس اللي عايزة تستثمر فلوسها بسبب المكاسب الكبيرة اللي حققها الفترة اللي فاتت.

" title="حاجة مهمة وخطيرة هتحصل في سوق الدهب الصاغة رايحة على فين بعد قرار البنك المركزي؟" frameborder="0">

خبراء الاقتصاد قالوا أن مع ارتفاع الاقبال من الناس علي شراء الذهب فالاسعار هتكون مرشحة للزيارة تاني خلال الايام اللي جاية خصوصا أن الذهب كل ما الاقبال يكثر عليه سعره يرفع، وبالتالي قريب جدا هنشوف اسعار الذهب عيار 21 واللي هو الاكثر انتشارا ومبيعا في الاسواق هتوصل لـ5000 جنية وده لسبين أولهم أن الأسعار لسه لحد الأن مرشحة للزيادة بسبب الاحداث والتوترات الجيوسياسية اللي منتشرة في العالم كله، ده غير أن قرار البنك المركزي بخفض اسعار الفايدة هتؤدي لزيادة الطلب المحلي علي الشراء.

الخبراء توقعوا كمان أن الطلب على أدوات الدين بالجنيه هينزل خلال الفترة اللي جاية، وده ممكن يضغط على الجنيه قدام الدولار، وطبعًا بما إن الدهب بيتسعر بالدولار، فأي تراجع في قيمة الجنيه هيخلي سعر الجرام يعلى، وفي حالة صدور قرار تاني من الفترات اللي جاية بخفض اسعار الفايدة فده هيزود السيولة النقدية اللي رايحه لسوق الذهب، وبالتالي كل التوقعات بتأكد أن الأسعار رايحة للزيادة لا محالة.

الخبراء قالوا كمان أن الذهب هيفضل هو وسيلة الأمان والاستثمار الآمنة في الفترة الحالية خصوصا في ظل التقلبات اللي موجودة في السوق سواء في قطاعات العقارات واللي سوقها مريح جدا الفترة دي ومفيش اي اقبال اطلاقا علي الشراء، ده غير ان الشهادات في الفترة اللي جاية مش هيكون عليها اقبال بسبب التخفيض في اسعار الفايدة.