خرجت المذيعة فرح شعبان، طليقة اليوتيوبر علي غزلان بتصريح مثير بعد إعلان الاخير انفصالهما، مشيرة إلى انها حاولت إثبات أن تكون صديقة وأخت وحبيبة صالحة حتى فقدت طاقتها، ووجهت رسالة لكل شخص يراها غير صالحه.
فرح شعبان: قضيت وقت كبير باجي على نفسي
وقالت فرح شعبان في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام من خلال خاصية ستوري: حاسة إني قضيت وقت كبير اوي من عمري باجي على نفسي عشان أحاول أثبت إني صاحبة كويسة واخت كويسة وابنة كويسة وحبيبة كويسة.. دلوقتي مش عايزة أثبت حاجة لحد ولو انت فاكر إني شخص مش كويس كفاية عادي ممكن تسيبني وتمشي وأنا مش هبص ورايا ولا عايزة حد يبص ناحيتي عشان طاقتي خلصت بجد.
انفصال علي غزلان وفرح شعبان
وكان قد أعلن البلوجر علي غزلان انفصاله عن فرح شعبان منذ أيام، فكتب: قدر الله وماشاء فعل تم الانفصال والطلاق بيني وبين زوجتي (فرح شعبان) الانفصال تم من تقريباً شهر، يشهد ربنا بعد ما رجعنا بعد أول انفصال إننا حاولنا نعيش مع بعض تاني لكن مقدرناش .. فقررنا الانفصال بهدوء بدون أي مشاكل وخناقات وتريندات.
وتابع حديثه::هي إنسانة كويسة ربنا يوفقها في حياتها عشان خاطر نفسها وعشان خاطر ابننا ، يمكن فشلنا نكون زوجين لبعض بس أكيد هننجح باذن الله إننا نكون أب وأم كويسين لابننا.. أتمني احترام القرار ومحدش يكلمنا في أي تفاصيل، لاننا مش هنتكلم في حاجة وهنفضل ضهر بعض عشان خاطر رحيم ابننا.
الانفصال الثاني بين علي غزلان وفرح شعبان
جدير بالذكر، أن هذا الانفصال هو الثاني بين علي غزلان وفرح شعبان بعد قصة كبيرة وزواج دام لسنوات أسفر عن انجابهم طفلا، حيث تحدث الثاني في وقت سابق خلال لقاءهم مع موقع تحيا مصر عن سر انجذابهم لبعضهم البعض فقال علي غزلان “مهتمتش لشكلها أو شخصيتها أنا أول ماشوفتها حبيتها وقولت البنت دي هتبقى بتاعتي مش عايز غيرها وفعلًا مراية الحب عامية”، ومن ناحية فرح شعبان أكدت في اللقاء نفسه أن أكثر ما جذبها لزوجها هي حنيته تجاهها وخوفه عليها وخلال اللقاء بدأت وصلة مزاح بين الثنائي وهذا ما يحبه منهم الجمهور.
0 تعليق