توطين صناعة السيارات في مصر واحدة من أهداف الحكومة في الفترة الرئاسية الجديدة.. ياتري الحكومة بتعمل اية علشان توطن صناعة السيارات وامتي مصر هتبدا تصدير السيارات للخارج.

الفترات اللي فاتت مصر كانت واحدة من الدول اللي استيرادها مرتفع جدا من السيارات ومستلزماتها، واللي كانت بتستزف جزء كبير من موارد مصر الدولارية، وده بيتعارض مع توجهات الدولة لتقليل الاستيراد وتقليل الاعتماد علي الدولار في الاستيراد.

وعلشان الدولة توصل لهدفها، الحكومة وضعت استراتيجية وطنية لتوطين صناعة السيارات في مصر واللي بتتتضمن التعاون مع كل الشركاء الأجانب واتحاد الصناعات لسد الطلب المصري المتزايد على السيارات وخفض الضغط على موارد الدولة الدولارية، خصوصا في ظل التوقعات اللي بتأكد أن حجم الطلب على السيارات هيرتفع في مصرخلال الـ10 سنين اللي جايين لـ8 مليار دولار سنوياً، ده غير ان الاستراتيجية بتستهدف تصدير سيارات للسوق الأفريقي بأجمالي 5 مليون سيارة خلال نفس الفترة .

" title="وقف الاستيراد والعودة للتصدير.. إزاي الدولة بتخطط لتوطين صناعة السيارات بمصر" frameborder="0">

طيب اية اللي بتعمله الحكومة علشان توطن صناعة السيارات في مصر؟.

الرئيس عبد الفتاح السيسي في نهاية أكتوبر2022 وقع القانون رقم 162 والخاص بإنشاء المجلس الأعلى لصناعة السيارات، وصندوق تمويل صناعةالسيارات صديقة البيئة، واللي بيختص بإقرار السياسات العامة والخطط والإستراتيجيات اللازمة لتنمية الصناعة في مصر ومتابعة تنفيذها، ووضع الإطار العام للإصلاح التشريعي والإداري لصناعة السيارات، واتخاذ كل يلزم لتهيئة مناخ أفضل، ودراسة الحلول المناسبة للمعوقات وعقد الاتفاقيات وتبادل الخبرات مع الدول الرائدة في هذا المجال، والدولة حاليا بتستهدف الوصول بالطاقة الإنتاجية للشركة لـ300 أتوبيس سنويًا، وإجمالي مستهدف سنوي لـ1500 أتوبيس، ده غير استهداف إنتاج 20 ألف سيارة في السنة الواحدة بإجمالي 250 سيارة في اليوم بمعدل 10 سيارات في الساعة، والانتاج ده هيؤدي إلي عودة أسعار السيارات لاسعارها الطبيعية، وزيادة نسبة المكون المحلي في الإنتاج لأكثر من 50%، والهدف من الجهود دي هو وقف الاستيراد الخارجي .

الحكومة خلال الفترة اللي فاتت وقعت اتفاقية مع مجمع مصانع عز العرب بقيمة 50 مليون دولار، لانتاج 40 ألف سيارة سنويا، والحكومة بتستهدف التوسع بالطاقة الإنتاجية للمصنع إلى 80 ألف سيارة سنويا وإضافة موديلات جديدة للانتاج .