كتير من المصريين دلوقتي بيدورا على شقق جديدة، وفي اللي بيشتريها عشان يستقر ويعيش فيها، وفي اللي بياخدها ادخار او استثمار، عشان كده لو ناوي تشتري شقة جديدة هنقولك تعمل إيه بالتفاصيل.

قبل ما تقدم على شراء شقة جديدة، في شوية أمور ضرورية لازم تعرفها عشان ماتكونش عرضة للنصب أو الشراء بأسعار مرتفعة وتخسر فلوسك.

عشان كده، قال خبراء تطوير عقاري، إن أول حاجة لازم تاخد بالك منها، هي إنك تدرس السوق كويس، بعدين تختار المكان المناسب للشقة السكنية المشتراة.

كمان لازم تختار مطور عقاري سمعته كويسة في السوق، عشان يكون مضمون وملتزم في تسليم الوحدة السكنية في الميعاد المتفق عليه وكمان بالمواصفات اللي اتققتوا عليها.

لازم بردو تعرف مدى مصدقية المطور العقاري قبل عملية الشراء، وده بيكون من خلال تتبع إنجازاته السابقة، والالتزام بتسليم المشروع السكني في الوقت المحدد.

ضيف على كده، إن لازم أي حد بيشتري شقة، يختار موقع الوحدة وقربها من الخدمات الأساسية، زي المدارس والأسواق، لأن كل ده بيعتبر عوامل جذب للمستثمرين والمستأجرين، كمان اتأكد من وجود وسائل النقل العامة القريبة منها، عشان تسهل حركتك وتنقلاتك، وكل ده طبعا بيزود من جاذبية الشقة.

وحاول تختار المدن الجديدة، لأن فيها خدمات ذكية مش موجودة في المناطق القديمة، زي خدمات الإنترنت والإضاءة الذكية واللي بتعتبر مواصفات عالمية كل دول المطورين العقاريين في العالم بيهتموا بيها دلوقتي.