ظهر دفاع المصريين الثلاثة المجني عليهم في دولة قطر، بعد الانتهاء من جلسة استئناف المتهم بقتل 3 مصريين في الخارج على حكم إعدامه.

وقال دفاع المجني عليهم: "أنا لو مكان زميلي محامي المتهم كنت أتنازل عن القضية ومكنتش هقبل أترافع فيها، مش واقف قدام هيئة المحكمة وبيقول إن المتهم برئ من قضية القتل، وكمان بيشكك في إجراءات ضبطه، لا هو من حق الإنتربول يقبض عليه بمكالمة تليفون".

"بيشوف المجني عليهم في أحلامه"

وأكمل دفاع المجني عليهم: "المتهم طالع النهارده بيصرخ في القفص وبيقول إنه برئ، طيب برئ ازاي والكاميرات مصوراه وهو خارج من الشقة آخر واحد، والتليفونات اللي اتسرقت من المجني عليهم ضُبطت معاه، وكمان كانت بصمته على السكينة وعليها الدم".

واختتم قائلاً: "المتهم كان بيصرخ النهارده علشان خايف من مصيره وعلشان المجني عليهم اللي قتلهم بدون رحمة بيظهروا في أحلامه وهو خايف من مقابلتهم، ولو هو برئ زي ما بيقول كان صرخ من الأول ودور على إثبات براءته".

وبدأت محكمة الاستئناف في مجمع محاكم شمال القاهرة المنعقدة في العباسية، منذ قليل، ثاني جلسات استئناف المتهم "تامر.م.س"، البالغ من العمر 43 عامًا، على حكم إعدامه، بتهمة قتل 3 مصريين بالخارج، وسرقتهم وتحويل أموالهم لحسابات خاصة به.

تابع موقع الجمهور عبر قناة (يوتيوب) اضغط هــــــــــــنا

تابع موقع الجمهور عبر قناة (واتساب) اضغط هــــــــــــنا

تابع موقع الجمهور عبر تطبيق (نبض) اضغط هــــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية، أسعار البنزين.