مشروع اتاجل سنين ولما عملوا السادات مجبش نتيجة لانه كان متخطط غلط وعمل مدينة السادات في اخر الدنيا.. والمشروع مجبش نتيجة.. ازاي السيسي فكر في مشروع العاصمة الإدارية الجديدة وازاي المشروع نجح وبقي بداية لجمهورية جديدة وحديثة ومستقرة.. في الفيديو ده هتعرفوا التفاصيل خليكم معانا للآخر.
مشروع العاصمة الإدارية الجديدة مهما قلنا فيه كلام مش هيكون على قدر الحدث ولا حجم الإنجاز لانه هو واحد من أكبر المشاريع العمرانية اللي أتعملت في تاريخ مصر الحديث لمصر وجت فكرته من زحمة القاهرة والخنقة اللي فيها الشوارع وكمان السيسي فكر بطريقة يخلي الناس تفكر بشكل مختلف ويديها أمل في بكرة وأن مصر ممكن تبقي زي اي دولة حديثة عندها مباني عالمية وذكية ومدن زي اللي بيشوفوها في أوروبا وفي نفس الوقت تأسس لمرحلة جديدة في تاريخ المعمار المصري وينشط فكرة تصدير العقار وإظهار قدرات جديدة في الاقتصاد المصري وكمان يوطن البراندات والشركات العالمية ومن هنا قرر السيسي في سنة 2015 وبعد شهوربس من توليه الحكم أنه يبدأ ويعلن عن مشروع العاصمة الإدارية الجديدة.
طبعا المشروع لانه كان جديد وطموح جدا وضخم بشكل غير مسبوق كان فرصة أن منصات الشر تهاجمه وتقول ايه لازم مشروع هيكلف مليارات وهيتعمل في الصحرا البعيدة لكن لأن السيسي عنده بعد نظر ماسمعش للتفاهات دي وطرح المشروع فعلا ومن ساعتها ومصر فكرها اتغير واقتحمت عالم المعمار العالمي والحديث وخلقت مجتمعات جديدة والصحرا طرحت مليارات الدولارات بعد ما كل متر ارض في العاصمة الإدارية بقاله تمن بعد ماكانت صحرا وخرابة .. المفاجأة بقي أن الدولة مصرفت مليم أحمر من جيبها على المشروع زي ما الرئيس أكد ودا لان المشروع اشتغل واتمول من تمن الأرض البس دفعتها الشركات عشان تعمل المشروع .
لعاصمة الإدارية الجديدة شرق القاهرة، على بعد حوالي 45 كيلومترًا من وسط القاهرة وتمتد على مساحة تصل إلى 700 كيلومتر مربع، ودا بيخليها واحدة من أكبر المدن الجديدة في العالم.
بجانب رؤية الاستثمار الي اعتمد عليها مشروع العاصمة الإدارية كان فيه هدف تاني للحكومة وهو نقل الوزرات والهيئات الحكومية من قلب القاهرة لتخفيف الزحام من ناحية ومن الناحية التانية الاستفادة من المقارات دي في مشروعات تانية وبتضم العاصمة الإدارية مقرات 34 وزارة ومراكز حكومية، ودا هيسهل نط إدارة الدولة بشكل مركزي وبتضم كمان 25 حيًا سكنيًا، تتراوح بين الفلل والشقق السكنية، مع تقديم خدمات متعددة ومعاها مرافق حديثة زي المدارس، المستشفيات، والحدائق العامة، مما يوفر بيئة متكاملة للسكان ودا غير منطقة متخصصة للأعمال تضم بنوك وشركات استثمار وتقدر تقول كده حي المال دا عامل زي وول ستريت كده في امريكا.
مشروع العاصمة الإدارية الجديدة مزود بشبكة مرافق ذكية زي الطرق المتطورة، وفيها دلوقتي 15 طريق رئيسي بيسهل الحركة بين العاصمة الجديدة والمدن التانية وغير مشروع قطار كهربائي بيربط المدينة بمناطق مختلفة، مما يسهل التنقل.
تقدر التكلفة الإجمالية للمشروع بحوالي 300 مليار جنيه مصري ويتم تمويل المشروع من خلال شراكات بين الحكومة المصرية وشركات محلية ودولية، مما يضمن تنفيذ المشروع وفق أعلى المعايير ودون تحميل خزينة الدولة اي أعباء..
بدأ العمل في المشروع في 2015، ومن المتوقع أن تكتمل المرحلة الأولى بحلول 2025 ويتضمن الجدول الزمني عدة مراحل، كل منها يركز على تطوير جزء معين من المدينة.
مشروع العاصمة الإدارية الجديدة بمراحله المختلفة مقرر استيعاب ما بين 6.5 إلى 8 مليون نسمة ودا رقم بيساوي عدد سكان دول جمبنا .. المفاجأة بقي أن العاصمة الإدارية الجديدة بتضم مناطق صناعية ضخمة وبدأت في طرح الأراضي بالفعل للمصنعين المصريين والأجانب يعني خير من كل اتجاه دا غير الأراضي اللي حوليها واللي منحها مشروع العاصمة الحياة والأهمية وهنشوف مدن تانية ذكية هتتبني جمب العاصمة الإدارية عشان تستفاد من قربها من المشروع العمراني الأهم في تاريخ مصر الحديث بعد السد العالي.
0 تعليق