لو معاك يورو وعايزة تستثمره وتاخذ من وراه ربح كويس يبقي الفيديو ده ليك، شوف اعلي 5 شهادات قدمتها البنوك للمواطنين باليورو.. وشوف الفايدة في كل بنك هتوصل لكام والعائد الشهري هيختلف اد اية من بنك للتاني.. لو عايز تعرف كل ده خليك معايا للآخر

في ناس كتير مننا معاهم عملات أجنبية كتيرة ومش عارفين ازاي يستثمروها بشكل كويس وكمان ياخذ منهم ربح سنوي أو شهري يقدر يصرف منه علي بيته وأهله بدون ما يفكهم أو يخسر منهم اي حاجة وكمان مش هيحولهم لفلوس مصرية وهيفضلوا بالعملات الاجنبية زي ما هما بدون ما يتأثروا بأي حاجة ..

طيب ايه هيا أفضل شهادات موجودة في السوق دلوقتي للناس اللي معاها فلوس بالعملات الأجنبية وخصوصا اليورو؟.
في اكتر من بنك أعلن عن تقديم شهادات مختلفة للناس اللي بتدور علي ربح مضمون، والبداية هتكون معانا من بنك التعمير والإسكان اللي طرح شهادة باليورو، ودي بيوصل الحد الأدنى لشرائها لـ1000 يورو، وبتوصل مدة ربط الشهادة لـ 3 سنين، ونسبة الفايدة بتاعتها بتوصل لـ 0.75%، وبدورية صرف شهرية.

ومن بنك التعمير والإسكان بنروح للشهادة الثلاثية باليورو في البنك الزراعي المصري، واللي بتوصل نسبة الفايدة لها لنسبة 0.75%، وبيوصل الحد الحد الأدنى لشرائها لـ 500 يورو، وبدورية صرف ربع سنوية، ومدة الشهادة بتوصل لـ 3 سنين.
ولسه مكلمين معاكم جولتنا وبنروح للشهادة الثلاثية باليورو في البنك التجاري الدولي cib، واللي بيوصل الحد الأدنى لشرائها لـ 1000 يورو، وبفايدة بتوصل لـ 0.5%، وبدورية صرف شهرية، ومدة الشهادة بتوصل لـ 3 سنين .

ومن البنك التجاري الدولي بنروح معاكم لشهادة بلادي الخماسية باليورو في البنك الأهلي المصري، واللي بتوصل نسبة الفايدة ليها الي 0.85%، وبدورية صرف نصف سنوية، والحد الأدنى لشرئها بيوصل لـ 100 يورو، مدة الشهادة بتوصل لـ 5 سنين.

ومن شهادة بلادي الخماسية باليورو في البنك الأهلي بنروح للشهادة الثلاثية المتغيرة باليورو في بنك مصر، واللي بتوصل الحد الأدنى لربطها لـ 500 يورو، ونسبة الفايدة عليها بتوصل لـ 0.26%، ومدة ربط الشهادة بتوصل لـ  3 سنين، وبدورية صرف نصف سنوية.
قبل ما تحط فلوسك في اي بنك اسال الاول وقارن بين كل شهادة عشان تشوف المناسب ليك والفائدة اللي هترجعلك منها لكن لازم تعرف كمان إن شهادات الادخار في البنوك سواء كانت بالجنيه المصري أو العملات الأجنبية من اكتر أنواع الاستثمار أمان في مصر ومضمونه من البنك المركزي المصري كمان.