حرص الفنان تامر حسني على دعم ابنته تاليا، وذلك بعدما أطلقت مشروعها الجديد في منتجات التجميل رغم سنها الصغير، وروج له تامر حسني كنوع من أنواع الدعم لابنته الكبيرة تاليا.

تامر حسني يدعم ابنته بعد إطلاق مشروعها الجديد 

ونشر تامر حسني صورة لابنته تاليا ووالدتها بسمة بوسيل من مكان افتتاح مشروعها الجديد ورصدها موقع تحيا مصر عبر خاصة ستوري بموقع تبادل الصور والفيديوهات انستجرام بحساب تامر حسني الرسمي، وعلق عليه، قائلا: يمكن خطوة أكبر شوية لتاليه حبيبتي عشان كدة بباركلها.. مبروك يا توتة بس اللي مضحكني أن طبعا ماما عشان بتدعمك ياتوتة صورت معاكي لفدسيو بنفسها، وأنا عشان أدعمك نزلت أهوه عندي إعلان البراند يا براند يابن اللعيبة جيبت البيت كله بالطريقة.

تامر حسني يدعم هيثم سعيد بعد سفره خارج مصر

هذا وكان قد خرج تامر حسني أيضا في منشور عبر خاصية ستوري بموقع تبادل الصور والفيديوهات انستجرام ووجه رسالة دعم ومساندة للمطرب هيثم سعيد بعد حالة الإحباط الذي ظهر عليها، قال فيها: أكيد هزعل لما أشوف فنان كبير زيك يصيبه اليأس، انت عارف أنا شوفت اي من حروب بس كملت، انت قررت تسافر وتجرب جرب ويمكن تحقق نجاح عالمي، بس لو حسيت بأي صعوبة ارجع وكلنا حواليك وأنا جانبك وهفضل جنبك من دلوقتي لو عايز ترجع ونحط خطط جديدة للشغل وتقف تاني من جديد، فكر يا صاحبي وأنا بعون الله معاك.

وذلك بعدما ظهر في فيديو قال فيه: أنا وأسرتي سيبنا مصر وجينا أستراليا بعد ما فقدت شغفي في الموسيقى وحسيت أن المعركة دي مش بتاعتي ولا التنافس ده بتاعي لأن الموضوع  بقى ماشي بمين اللي طالع تريند ومين اللي حقق شهرة أكبر ومين اللي متصدر الاخبار حتى لو الأخبار دي كانت ملهاش علاقة بالموسيقى.

تامر حسني وفيلمه الجديد 

من ناحية أخرى، ينتظر الفنان تامر حسني عرض فيلم ريستارت والذي يخوض بطولته إلى جانب نخبة من نجوم الفن من بينهم هنا الزاهد، باسم سمرة، محمد ثروت، وغيرهم، والفيلم من تأليف أيمن بهجت قمر، وإخراج سارة وفيق.