الأسماء الكبيرة مش بتيجي من فراغ والابتكار هو الأب الشرعي للتطور واللي عقيدته متعرفش الجمود هو اللي بيقدم كل ساعة جديدة ولما تكون المنظومة كلها قايمة على الجديد والاحتراف والتفرد والاختلاف يبقي الكلام طبيعي هنا عن البنك التجاري الدولي cib  مصر واللي بيثبت كل يوم إنه بنك الخدمات المصرفية رفيعة المستوى والراقية ومن البنوك القليلة في مصر اللي تحس وإنت داخلها كأن في أكبر البنوك العالمية وهتتأكد إنك محور الاهتمام في ل مراحل تعاملك جوه البنك وعشان كده دايما في المقدمة وبيحلق في الصدارة.

البنك التجاري الدولي مش محتاج دعاية ولا تنجيم لأن الأرقام اللي بيحققها والخدمات اللي بيقدمها هي اللي بتتكلم عن الأسلوب المختلف في الإدارة والتعامل مع العميل والخدمات المتطورة.

كمان البنك التجاري الدولي من أكتر البنوك في مصر اللي بيشارك ويساهم في المبادرات اللي بتطرحها الحكومة أو البنك المركزي للتخفيف عن المواطنين وتسهيل أحوالهم وتحسين مستوى معيشتهم.. وأخر حاجة شارك فيها التجاري الدولي بقوة كانت توقيع مؤسسة البنك التجاري الدولي – مصر (CIB) ومؤسسة “راعي مصر للتنمية” اتفاقية المرحلة التالتة من مشروع “أطفال أصحاء”، واللي بيهدف إلى توسيع نطاق الوصول إلى خدمات الرعاية الصحية للأطفال الأكتر احتياجا في مصر.

الدعم اللي بيقدمه التجاري الدولي  للمشروع هيساهعم في إحداث أثر إيجابي من خلال تقديم الدعم لمصروفات التشغيل لأكتر من 2200 قافلة طبية، بجانب شراء وتجهيز 3 قوافل طبية لخدمة أكتر من 374 ألف طفل في 16 محافظة على مستوى الجمهورية ليصبح نموذج لتعزيز خدمات الرعاية الصحية للأطفال على مستوى وطني واسع.

الاتفاقية الجديدة تمت وسط احتفالية مميزة حضرها وزراء وفنانين، وشخصيات عامة في قصر القبة الرئاسي وحضرها السيد أيمن عبد الموجود مساعد وزير التضامن الاجتماعى بجانب لفيف من قيادات البنك التجاري الدولي، وفي مقدمتهم عمرو الجنايني نائب الرئيس التنفيذي للبنك، ونائب رئيس مجلس أمناء مؤسسة البنك التجاري الدولي.

وشارك  كمان أعضاء مجلس أمناء مؤسسة البنك التجاري الدولي إنجي جميع، ونادية حسني الأمين العام لمجلس أمناء المؤسسة، الى جانب فريق إدارة المؤسسة ومن جانب مؤسسة راعى مصر حضر المستشار أمير رمزي رئيس مجلس أمناء المؤسسة.

المصرفي الكبير عمرو الجنايني علق على الاتفاقية الجديدة وقال إن هدفنا في مشروع «أطفال اصحاء» هو ضمان حصول الأطفال في المناطق النائية والأكتر احتياجا على الرعاية الصحية اللي بيستحقوها ودا لأن صحة الأطفال هي حجر الأساس لبناء مستقبل قوي ومستدام.

الجنايني أضاف إن الشراكة مع مؤسسة راعي مصر هتساعد فى سد فجوات كبيرة وهتقدم خدمات طبية للأطفال المحتاجين بدون تفرقة أو استثناء وإن التجاري الدولي دايما فخور بهذا التعاون ".

وعلى فكرة مؤسسة البنك التجاري الدولي، أنشأت  سنة 2010 باعتبارها امتداد لأنشطة البنك على صعيد المسئولية الاجتماعية، وهي منظمة غير هادفة للربح وبتركز على مساعدة الأطفال المصريين الأشد احتياجًا لخدمات الرعاية الصحية.
البنك التجاري الدولي بيخصيص 1.5% من صافي أرباحه السنوية لدعم أعمال المؤسسة، ودا رقم كبير جدا وبتتوجه لتحسين جودة خدمات الرعاية الصحية والتغذية في مصر وخاصة الأطفال الأشد احتياجا والمحرومين من التغطية الملائمة لخدمات الرعاية الصحية.