بدأنا سنة ميلادية جديدة، وطبعا في حاجات كتيرة بتتغير مع بداية السنين واحدة من الحاجات دي هيا رسوم السحب من ماكينات السحب ATM.. ياتري الرسوم دي هتغلي في 2025.. وبتوصل لكام دلوقتي. 

ماكينات السحب الفوري واحدة من الخدمات المهمة اللي بتقدمها البنوك اللي موجودة في مصر، خصوصا في ظل اجراءات التحول الرقمي اللي بتطبيقه مصر في الجمهورية الجديدة، وتوجيه كل المصالح الحكومية في مصر لتحويل كل وسائل السداد النقدي الي دفع الكتروني سواء من ماكينات السحب ATM أو من خلال ماكينات الدفع الفوري.

مع بداية سنة 2025، البنك المركزي المصري قرر أن يكون اليوم الأربعاء أجازة رسمية في كل البنوك العاملة في مصر بمناسبة انتهاء السنة المالية، وهتبدأ البنوك تستأنف عمالها في خدمة واستقبال خدمات المواطنين اعتبارا من غدًا الخميس الثاني من يناير الجاري.

طيب رسوم السحب من ماكينات السحب ATM بتوصل لكام وهل حصل لها زيادة في 2025 ولا لا؟
مع بداية 2025، البنك المركزي المصري حدد رسوم السحب والاستعلام عن الرصيد من ماكينات الصراف الآلي واللي بتختلف من بنك للتاني وعلي حسب كل عملاء البنوك، والبداية هتكون من البنك الأهلي واللي حدد رسوم السحب بـ 5 جنيها و 1.5 جنيه للاستعلام عن الرصيد، ومن البنك الأهلي بنروح لبنك مصر واللي حدد 5 جنيها للسحب، و2 جنيه للاستعلام عن الرصيد.

بنك القاهرة هو التاني أعلن عن تحديد رسوم السحب من ماكينات السحب الالي وبتوصل 5

جنيهات و2 جنيه للاستعلام عن الرصيد، والبنك الزراعي المصري هو كمان حدد 5 جنيهات للسحب، و2 جنيه للاستعلام عن الرصيد، والبنك التجاري الدولي حدد 5 جنيهات للسحب، والاستعلام عن الرصيد بيكون مجانًا، واما بنك بنك كريدي أجريكول فحدد 5 جنيهات للسحب، و6 جنيهات للاستعلام عن الرصيد، وبنك أبو ظبي الإسلامي فحدد 5 جنيهات للسحب، والاستعلام عن الرصيد بيكون مجاني، وبنككHSBC فحدد 5 جنيهات للسحب، والاستعلام عن الرصيد بيكون مجان، وبنك قطر الوطني (QNB):فحدد 5  جنيهات للسحب، والاستعلام عن الرصيد برضوا بيكون مجاني.

ولسه مكلمين معاكم جولتنا وبنروح للبنك العربي الأفريقي، واللي حدد 5 جنيهات للسحب من ماكينات السحب الأولي، والاستعلام عن الرصيد بيكوني مجاني، وبنك  الإمارات دبي الوطني حدد هو كمان 5 جنيهات للسحب من ماكينات الصراف الآلي و2 جنيه للاستعلام عن الرصيد، واخيرا البنك المصري الخليجي حدد 5 جنيهات للسحب و10 جنيهات للاستعلام عن الرصيد.