القطن واحد من العلامات البارزة في الاقتصاد المصري واللي له شهرة عالمية كبيرة.. ياتري اية خطة الدولة لاعادة إحياءه من جديد.. واية القطن المصري هيغزو دول العالم.. والحكومة بتستهدف منه كام.

القطن المصري طويل التيلة، واحد من العلامات المميزة البارزة في الاقتصاد المصري، واللي كانت بتقوم عليه صناعة الغزل والنسيج بشكل كامل، وللاسف في السنين اللي فاتت حصل تراجع كبير جدا في زراعته وبالتالي صناعة الغزل والنسيج وصناعة الملابس والاقمشة تأثرت بشكل كبير، ووصل الأمر أن الدولة فتحت باب الاستيراد بعد ما كانت مصر من اوائل الدول اللي بتصدره وكان عليه طلب عالمي من كل دول العالم .

طيب اية اللي بتعمله الدولة علشان تعيد احياء زراعة القطن المصري طويل التيلة ؟.

الفترة اللي فاتت الحكومة عملت شغل كتير جدا في مجال اعادة احياء الصناعة في مصر بشكل كامل، وواحدة من اهم الصناعات اللي الحكومة استهدفت احياءها هيا صناعة الغزل والنسيج، والحكومة اطلقت مشروع إحياء الأصول في الغزل والنسيج بتكلفة تعدت أكثر من 56 مليار جنيه واللي شهدت تطوير شامل في المكانيات والبنية التحتية وكل النواحي المتعلقة بصناعة الغزل والنسيج، خصوصا أن صناعة الغزل والنسيح بتعد واحدة من اهم مصادر الدخل الدولاري لمصر من الخارج وده في اطار خطة الحكومة للوصول بعائدات الصناعة لـ140 مليون دولار في 2030.

القطن بالنسبة لمصر مش مجرد محصول، لا ده عبارة عن الوقود اللي بيحرك صناعة الغزل والنسيج، واللي بتمثل 40% من قوة الاقتصاد المصري، علشان كده الدولة دعت كل المزراعين والفلاحين لزيادة المساحة المزروعة من القطن لاعادة اكتشاف صناعة الغزل والنسيج والعودة لغزو السوق العالمي في مجالات صناعة الأقشمة عالية الجودة، خصوصا أن المساحة المزروعه بالقطن تراجعت من 518 ألف و33 فدان إلى 237 ألف و72 فدان.

طيب اية هيا اسباب تراجع المساحات المزروعة بالقطن في مصر ؟.

في اكثر من سبب دفع المزراعين والفلاحين لهجرة زراعة القطن اهمهم أن الفلاحين تعرضوا لخساير كبيرة بسبب تراكم الأنتاجا عندهم لشهور طويلة بسبب رفض التجار شراءه بالسعر الرسمي اللي حددته الحكومة واللي بيوصل لـ 10 آلاف جنيه لمحصول القطن من الوجه القبلي، و12 ألف جنيه للمحصول من الوجه البحري بسبب أنه أعلى جودة بسبب تراجع الطلب العالمي علي شرائه، والحكومة حاولت لأكثر من مرة حل الأزمة وشراء جزء من انتاج محصول القطن ولكن التحركات بتاع الحكومة مكانتش كافية لانتهاء الأزمة وده اللي خلي نسبة كبيرة من الفلاحين تعزف عن زراعة محصول القطن، ده غير أن الفلاحين كان بتواجه أزمة كبيرة في الحصول علي فلوسهم من بيع المحصول لشهور طويلة من التجار.

وعلشان الحكومة ترجع سمعة وهيبة صناعة الغزل والنسيج فالدولة حطت خطة لاعادة زراعة القطن ودعم الأسمدة والبذور كواحدة من الحوافز اللي هتشجع الفلاحين للعودة لزارعته من جديد .