أكد الإعلامي أحمد موسى أن الرئيس الأمريكي دونالد ترامب منح مبعوثه ستيف ويتكوف سلطات كبيرة في كثير من الملفات الدولية.

وقال موسى خلال برنامج "على مسؤوليتي" المذاع على قناة "صدى البلد": "برنامج مبعوث الرئيس الأمريكي في المقابلة بتاعته اتكلم على إيران واتكلم على حماس، ويتكوف تقريبا هو وزير الخارجية الحقيقي في الولايات المتحدة هو الملفات المهمة شغال عليها ملف الشرق الأوسط بيشتغل عليه ملف إيران هو اللي شغال عليه ملف أوكرانيا هو اللي شغال عليه".

وأضاف: "الرئيس الأمريكي منح ويتكوف سلطات كبيرة في هذه الملفات، هذا الرجل اشتغل شوية سياسة ثم دخل في مجال العقارات، رجل أعمال قريب جدا من ترامب، وهو من أقرب الناس من ودن ترامب وأي ملفات تتم الفترة الماضية والصفقات اللي بتتم هذا الرجل هو اللي بيعملها".

وتابع: "إزاي نتعامل مع ويتكوف؟ بطريقة دبلوماسية سياسية ولا طريقة إديلي وأديلك، طرح خطة وعايز مقابل للخطة بتاعته هو مش هيقعد يقرأ ورق كتير واللي يقعد مع ويتكوف يكلمه بالظبط كده، واحد اتنين نوصل إلى تلاتة وأربعة، الناس دي معندهاش وقت هو عايز يخلص ملفات بطريقة رجل أعمال شاطر وعنده هذه الملفات والخلفية السياسية، وعنده تقارير أجهزة المعلومات الأمريكية وتغيب عنه بعض الملفات الأخرى زي الملف المصري".

وواصل: "لما أتكلم على مصر مكانش عنده خلفيات عن الأوضاع المصرية الحقيقة إلا حاجة بسيطة أهمية مصر ودور مصر فقط ولكن إيه مصر وقيمة مصر قد إيه ومصر فيها كام مليون ووضعها الاقتصادي وعندها كان مليون واحد موجودين على أرض مصر من الدول اللي عندها صراعات وحروب".

وأوضح: "مصر هذا العدد الهائل 9-10 مليون موجودين في بلد تعبانة وهتفلس والا بلد مستقرة وقادرة تصرف، هنا أمن واستقرار أكتر من أي مكان وهل عند هذا الرجل هذه المعلومات؟ البلد الكبيرة دي اللي بنتكلم عليها تستضيف الملايين من الدول اللي عندها مشاكل".

واختتم: "دا ليه تمن واللي بيقعد معاه عايز ناس قريبة من الملف ومن لغة الاقتصاد مع شوية سياسة مع شوية تجارة محتاج كده حد يقعد يتكلم في ده، هو صانع قرارات في البيت الأبيض مش مجرد مبعوث بس للرئيس ترامب ومبيرميش الكلام كده الراجل ده قوي جدا ولازم نشوف طريقة للشرح والتوضيح للمسارات القادمة".