حلت الفنانة رانيا يوسف ضيفة على الإعلامية ياسمين عز في برنامج كلام الناس المذاع على قناة mbc مصر، وذلك بعد نجاحها الكبير في مسلسل نص الشعب اسمه محمد والذي تم إذاعته ضمن النصف الثاني في سباق مسلسلات رمضان 2025.
رانيا يوسف عن نص الشعب اسمه محمد: شدني اسم المسلسل
وقالت رانيا يوسف في تصريحات رصدها موقع تحيا مصر: حبيت في مسلسل نص الشعب اسمه محمد إنه بطولة جماعية لأني مش بحب البطل يكون من الجلدة للجلدة وكمان شدني ليه اسمه جدا بدون ما أقرأ السيناريو ولا اي حاجة، واتبسطت إننا كـ ستات أخدنا حقنا في المسلسل والست لما بتحط الراجل في دماغها بتعرف تاخد حقها، والشخصية كانت محتشمة مش محجبة.
وتابعت رانيا يوسف حديثها، قابلت شخصيات كتير جدا زي بطة الست الحربوقة والحموات الشريرة دي، والحقيقة أنهم منتشرين في كل مكان.
رانيا يوسف: 90% من الطلاق سببها الأمهات والحموات
واكدت رانيا يوسف: 90% من الطلاقدق سببها الأمهات والحموات لاختلاف المفاهيم بين جيل الأم والبنت، وكنت مانعة تدخل أمي في حياتي وبيتي، وكانت بتزعل مني لأنها اتربت بطريقة مختلفة ودلوقتي مش هفرض على بناتي حاجة أنا اتربيت عليها.
وعن الحب في حياتها، قالت رانيا يوسف: احتياجي للحب لسة زي ما هو، ولحد دلوقتي من سنتين مقابلتش حد دخل حياتي، وفيه معجبين كتير في حياتي والشهرة بتجذب عرسان كتير بيكونوا عايزين يكملوا الصورة الخارجية بارتباطهم بالفنانة.
رانيا يوسف: كليب ليك كان لعبة ونيتي مع ربنا حلوة
وقالت رانيا يوسف أيضا عن كليب أغنية ليك: كنت بلعب يجماعة ما تسبوني ألعب واجرب أنا عيلة اوي وبفرح بأي حاجة حتى أما يجيلي ورد ولا حاجة عيالي بيتريوقوا عليا من رد فعلي.
وأشارت رانيا يوسف، علاقتي بربنا ونيتي الحلوة مخلياه دايما واقف معايا، ومش بفكر في دخول علاقة عاطفية في الوقت الحالي وعايشة عشان بناتي أنا مستعدة أديهم كل حاجة وانا بحب الأمومة من صغري وكنت اتمنى اجيب أطفال كمان.
من ناحية أخرى، يذكر أن مسلسل نص الشعب اسمه محمد من بطولة عصام عمر ورانيا يوسف إلى جانب كلا من النجوم مايان السيد، هاجر السرّاج، محمد محمود، شيرين، تأليف محمد رجاء، وإخراج عبد العزيز النجار.
0 تعليق