شرائح الكهرباء الجديدة واحدة من الحاجات اللي بتشتغل بال ناس كتيرة جدا في الوقت الحالي.. ياتري الدولة ازاي بتفكر في التسعير الجديد الشرائح.. وهل أسعار الشرائح هتزيد خلال الفترة اللي جاية.

القرار اللي أخذته الدولة خلال الأيام اللي فاتت والخاص بإعادة تسعير المواد البترولية هيكون سبب اساسي في تحريك وتعديل عدد كبير من الأسعار خصوصا أسعار السلع والخدمات اللي بتقدمها الحكومة للمواطنين واحدة من الاسعار اللي بتشغل بال ناس كتيرة جدا هيا أسعار شرائح الكهرباء واللي اصلا خطة تسعيرها هنتهي مع نهاية السنة المالية الحالية واللي بتنتهي مع نهاية شهر يونيو من كل سنة، يعني المفروض أن الوزارة تبدأ تطبق أسعار جديدة للشرائح للاستخدام المنزلي والتجاري مع بداية السنة المالية الجديدة في بداية شهر يوليو .

طيب إزاي الوزارة بتفكر في خطة التسعير الجديدة لشرائح الكهرباء ؟.
وزير الكهرباء والطاقة المتجددة الدكتور محمود عصمت قال إن الوزارة حتي الآن مستمرة في العمل بأسعار شرائح الكهرباء القديمة واللي الوزارة شغالة بيها من شهر أغسطس اللي فات، ولحد اللحظة دي الوزارة لسه موصلش لها أي قرارات من مجلس الوزراء وهو الجهة المنوط بيها اصدار توجيهات تعديل الأسعار لبدء مناقشة التسعير الجديد لشرائح الاستهلاك سواء كان استهلاك منزلي أو تجاري، وأنه في حال صدور توجيهات بتعديل أسعار شرائح الاستهلاك الوزارة هتنفذه فورا.

" title="الدولار السبب اول تحرك من الحكومة لإعادة تسعير شرائح الكهربا" frameborder="0">

لو حبينا ندرس ونحلل كلام وزير الكهرباء والطاقة المتجددة بخصوص نبه الوزارة عدم تحريك وتعديل أسعار شرائح الاستهلاك بالعدادات هنلاقيه مش متوافق مع الواقع خصوصا أن الدولة عدلت أسعار المواد البترولية وبالتالي تكلفة إنتاج الكيلو وات ساعة اختلفت، وبالتالي الدعم اللي بتدفعه الحكومة لإنتاج الكهرباء هيزيد وده عكس المطلوب خصوصا أن الدولة بتستهدف تقليل ورفع الدعم عن شرائح الكهرباء مش تزودها، وبكده الوزارة هتكون ملزمة بتعديل أسعار الشرائح خلال الفترة اللي جاية علشان تناسب الأسعار الجديدة للمواد البترولية وكمان علشان الدولة تكمل خطة رفع الدعم عن شرائح الكهرباء، وده اللي وحصل وفعلا وزارة الكهرباء والطاقة المتجددة عملت أكثر من اجتماع لمناقشة خطة العمل خلال الفترة اللي جاية والوزارة استقرت علي إعادة تسعير سعر الدولار عند سعر 50 جنية و53 قرش، خصوصا أن الدولار هو الأساس اللي عليه وزارة الكهرباء بتحديد أسعار شرائح الكهرباء وده بسبب ان نسبة كبيرة من المهمات والأدوات اللي بتدخل لقطاع الكهرباء تسعيرها اصل بيكون علي اساس سعر صرف الدولار، وتغير سعر الصرف بيكون سبب اساسي في ضرورة تعديل اسعار شرائح الكهرباء.