أكد الإعلامي عمرو أديب أنه أخطأ حين اعتقد أن النادي الأهلي غير جدير بتحقيق بطولة الدوري هذا الموسم، مشيرا إلى أن لاعبوه يمتلكون الروح والطموح من أجل تحقيق الفوز.
وقال أديب خلال برنامج "الحكاية" المذاع على قناة "إم بي سي مصر": "أنا عندي اعتراف، أنا كنت غلطان غلط كبير لما تخيلت أن النادي الأهلي غير جدير بالدوري المصري وعلى فكرة النهاردة بقول لحضراتكم روقوا بالكم جدا لا عايزين تلات نقط ولا أي حاجة الأهلي خد الدوري وانتهى".
وأضاف: "أنت كمان متبقاش مبتعرفش تلعب ومعندكش لاعيبة ولا طموح ولا محاولة وبعدين جاي بتدور ازاي الأهلي يقع لا الأهلي مبيقعش إحنا بس اللي بنقع وبيراميدز اللي بيقع".
وتابع: "بيراميدز ده الهزيمة بتاعته من البنك الأهلي الجول بتاع مدبولي أنت بتقول إيه؟ دي فرق غير جديرة انها تاخد الدوري الأهلي اللي عنده الروح وعنده المحاولة على البطولة إحنا مستنين الأهلي يقع أو يتعادل مش مستنيين أن إحنا نكسب أو نجيب لاعيبة أو نجيب مدرب كويس".
وأكمل: "مبروك للنادي الأهلي وعندما يركب النادي الأهلي الدوري لا ينزل، وعندما يعتلي الأهلي الدوري هيفضل راكب الدوري لغاية السنة اللي بعد الجاية".
وأوضح: "أنا بقول أهو أنا لا عايز تلت نقط ولا شايف أن الدنيا بتلف من أجل الأهلي، الدنيا بتلف عشان تدي الأحسن الدنيا بتلف عشان اللاعيبة اللي عندها روح، يا راجل أنت النهاردة الناس ولا همه ولا حاسس مهو طبعا أنت النهاردة عندك في الزمالك 11 لاعيب كل لاعيب مستعد يدفع فيه ملايين عشان يروحوا ولكن هو مش مستعد يلعب في الزمالك".
وواصل: "اللاعيب معندوش طموح مبيقبضش المرتب مبيجيش محدش فاضيلهم قدرنا أننا نشجع فريق التاني أو التالت أو الرابع أو الخامس أو الخاسر وأرجوكم أنا بتنازل عن كل طلباتي ولا مستني التلات نقط ولو عايزين تعيدوا الماتش نعيدوا".
0 تعليق