الحكومة في الوقت الحالي بتستعد لطرح مجموعة جديدة من شركات القطاع العام قدام القطاع الخاص ضمن برنامج الطروحات الحكومية.. والطرح الجديد هيتضمن مجموعة من اهم الشركات أهم بنك القاهرة.. ياتري اية حكاية الكلام ده وهل الدولة هتبيع بنك القاهرة فعلا.

من فترات طويلة والحكومة بدأت تنفذ بنود برنامج الطروحات الحكومية للتخارج من بعض القطاعات والشركات المملوكة للقطاع الخاص وطرحها للاستثمار قدام القطاع الخاص، وده بهدف تحويل الشركات دي من شركات لها تاثير سلبي في الناتج القومي المصري لشركات بتحقق ربح وناتج في الانتاج القومي المصري.

البرنامج المصري لادارة ملف الطروحات الحكومية بتشرف عليه الحكومة بالتعاون مع واحدة من اكبر المكاتب الاستشارية العالمية المخصص في النقطة دي، وكل سنة الحكومة بتعلن عن خطة لطرح عدد جديدة من الشركات للشراكة مع القطاع الخاص، لكن واضح ان سنة 2025 هتكون مختلفة عن كل السنين اللي فاتت خصوصا أنها هتشهد طرح موجودة من اكبر واهم الشركات والقطاعات المملوكة للقطاع العام أوهم بنك القاهرة والمطارات المصرية.

طيب اية حكاية طرح بنك القاهرة ضمن برنامج الطروحات ؟.

بنك القاهرة واحد من الأصول المصرية واللي تأسس في 1952 كشركة مساهمة مصرية، وانتقلت ملكيته بعد ذلك إلى الدولة، وبيعد ثالث أكبر بنك حكومي في مصر بعد بنكي الأهلي ومصر.

في 2007، بنك القاهرة حقق شوية خساير، وفي الوقت ده البنك كان بيمتلك محفظة قروض كبيرة متعثرة، وملكيته انتقلت لبنك مصر بقيمة 1.6 مليار جنية، وبعدها عمل تنقية محفظة القروض الخاصة ببنك القاهرة، ومن فترة قصيرة نقلت الملكية من بنك مصر إلى شركة مصر المالية التابعة لبنك مصر.

خلال الفترة اللي فاتت في كلام كتير جدا انتشر عن طرح بنك القاهرة ضمن خطة الطروحات الحكومية الجديدة، وده اللي اكده رئيس الوزراء المصري الدكتور مصطفى مدبولي، واللي قال إن الحكومة بتعتزم بدء إجراءات طرح بنك القاهرة للبيع بعد أن تنتهي عمليات التقييم للبنك.
الشهور اللي فاتت البنك المركزي وافق على قيام بنك الإمارات دبي الوطني بعملية الفحص النافي للجهالة لبنك القاهرة تمهيدا لشراء حصة يتوقع أنها توصل إلى 60% من البنك، لكن لحد الأن مفيش اي تقييم واضح للبنك.

في الفترة اللي فاتت في اقول كتيرة انتشرت أن تقييم بنك القاهرة في صفقة البيع هتتراوح بين 1 و1.5 مليار دولار، وفي انتقادات كتيرة انتشرت علي الرقم ده واللي صدر عن البنك الأهلي اليوناني في 2008 بقيمة 2 مليار دولار .

وصافي ربح بنك القاهرة خلال الفترة اليل فاتت ارتفع بنسبة 45% إلى 3.4 مليار جنيه في الربع الأول من العام الحالي، مقارنة بـ2.4 مليار جنيه خلال نفس الفترة اللي السنة اللي فاتت نتيجة تحسن نتائج أعمال البنك في مختلف القطاعات واهمهم قطاعات التجزئة المصرفية والخزانة وائتمان الشركات والمشروعات الصغيرة والمتوسطة.