في رسالة تحمل المحبة والتقدير، أعربت الفنانة راندا البحيري عن اشتياقها للفنانة عبلة كامل، حيث وجهت لها رسالة حب، تسترجع بها ذكريات عملها معاها، متمنية لها المزيد من الصحة والسعادة.

ونشرت عبر حسابها الرسمي على موقع التواصل الاجتماعي الفيسبوك: "انا لاحظت إن بصتي علي الأستاذة عبلة كامل، وعينيا كلها حب وشغف لل تَعَلُم، كنت بحاول أتعلم منها وكنت بخاف عليها وبحترمها جدا جدا وكان نفسي أكون شبهها في كل حاجه".

وأضافت: "عبله كامل قدوة و مثال و أم حنونه و في الشغل مجتهده جداً و طيبة و بتحتوينا جميعاً، يارب احفظهالي واحفظها لبناتها وكل اللي بيحبوها، بحبك يا ماما عبله يا حبييتي".

وتابعت: "ملحوظه بس مننساش ان في الصوره هنا معانا واحد من ألذ وأطيب المخرجين اللي إشتغلت معاهم في حياتي، إبتديت معاه بدور مشهد واحد في مسلسل وأنا طفله، واشتغلت معاه تاني في عز شغلي وانا بمثل سلسال الدم و كان من اخراجه المخرج الجميل الحنون مصطفي الشال ربنا يطول في عمره ويديله الصحه و السعاده يارب".