خرجت والدة رضا "ضاضا" نجل الفنان إسماعيل الليثي لترد على الشائعات المنتشرة حول وفاة نجلها وحقيقة تعرضه لأزمة صحية قبل وفاته وفقا لما تم نشره في الساعات الماضية على بعض المواقع الإخبارية، مشيرة إلى أنه لم يكن مصاب بأي مرض بل كان يعاني فقط من فرط الحركة.

والدة ضاضا اسماعيل الليثي تكشف مفاجآت عن نجلها 

وقالت والدة ضاضا اسماعيل الليثي خلال لقاءها مع موقع تحيا مصر:  كان بياخد مني بال 200 و 300 جنيه ويوزعهم على الناس ويقولي طالما ربنا مديكي اديهم انت كمان يماما ربنا هيزرقك زي ما رزقتي الناس، كان طبقه اللي فيه أكل لازم كل اللي حواله ياكل منه كان كل الناس بتحبه وبيحب يعمل الخير لكل الناس.

وأضافت والدة ضاضا إسماعيل الليثي: ابني مكنش تعبان ولا مختل عقليا.. كان عنده فرط حركة بس وكان اللي في أيده مش ليه وبيوزعه على الناس كلها.

والدة ضاضا اسماعيل الليثي: كفايا اشاعات وادعوله وادعولنا بالصبر 

واستكملت والدة ضاضا إسماعيل الليثي: ابني كان بيحبه كل الناس من أكبرها لحد أصغرها وكفايا اشاعات عليه ادعوله وادعولنا أنه يصبرنا عشان احنا تعبنا، كنت جهزت له لبس المدرسة وأبوه دفعله المصاريف، نمنا صحينا على الخبر ومكناش مصدقين، اللي حصل إن جدته راحت تجيبله أكل ورجعت ملقتوش، لقيته وقع من البلكونة وميتعزش على اللي خلقه، وبقول للناس كفاية إشاعات.

واختتم اسماعيل الليثي الحديث، قائلا: ده حسد والناس استكترته علينا.

نجوم الفن ينعون ضاضا اسماعيل الليثي 

وكان قد حرص عدد كبير من نجوم الفن على معي ضاضا اسماعيل الليثي وكان من بين هؤلاء الفنانة فيفي عبده والتي قالت في فيديو على موقع انستجرام: سلام عليكم، يا صابرين يا إسماعيل أنا عارفة أن قلبكم مولع نار، البقاء لله في ابنكم، خد عيني حبيبي والله راح ربنا معاكم، في الجنة ونعيمها إن شاء الله، كل الناس بتدعيله، وأنا شخصيا كنت بحبه جدا حاسة أن دي صدمة دمرتنا كلنا بس ميعزش على اللي خلقه.. الله يكون في عون أهله.

كما نعاه أيضا الفنان تامر حسني ومطرب المهرجانات الشعبية حمو بيكا والمطرب رضا البحراوي وعدد آخر من نجوم الفن.