الدهب في انتظار قفزات قياسية جديدة بعد اللي حصل في الكام ساعة اللي فاتو والاسعار هتعدي الخطوط الحمراء.. ايه اللي حصل والاسعار ممكن توصل لغاية فين وايه اللي هيحصل في الصاغة وليه الأسواق العالمية مرعوبة.. تعالوا نشوف إيه الحكاية في الفيديو ده خليكم معانا للآخر
اي حد متابع سوق الدهب هيعرف على طول أن الأسعار طالعة بسرعة الصاروخ وهتعدي المستوى الحالي اللي استقر عند
2668 دولار للأوقية وممكن في خلال ساعات من التداولات بعد إجازة أسواق بورصات الدهب يعدي ال3 آلاف دولار للأوقية ودا بسبب التطورات الخطيرة في الشرق الأوسط اللي حصلت على مدار الساعات اللي فاتت واللي وضعت العالم فوق بركان من التوترات ودا طبيعي هينتقل للأسواق العالمية كلها مش بس سوق الدهب .
طيب ليه الأسواق العالمية أعصابها مشدودة وواففة على رجل واحدة ؟
في التجارة العالمية كل الأسواق مرتبطة ببعضها واي تأثير في أي سوق عالمي بيأثر على كل الأسواق في العالم ومعروف أن منطقة الشرق الأوسط دلوقتي عائشة فوق برميل بارود ممكن ينفجر في أي لحظة بسبب التطورات الأخيرة في لبنان والتصعيد العسكري الخطير واللي بيهدد بزيادة التوتر واتساع نطاق المواجهات ومعروف أن الشرق الأوسط هو أهم سوق في تجارة البترول والغاز العالمية وكمان فيه خطوط تجارة مهمة جدا واي خطر يهدد سوق النفط بينعكس على العالم كله ومع زيادة المخاطر الدولية الطلب على الدهب بيقفز لمستويات قياسية بسبب حرص البنوك المركزية العالمية ورجال الأعمال والشركات على التحوط بالدهب من الأخطار المحتملة ودا لأنه ملاء آمن وبالتالي الاسعار هتطلع السحاب وضيف على دا كله أسباب تانية بترشح الدهب للصعود لمستويات تاريخية منها خفض مجلس الاحتياطي الفيدرالي الأمريكي لسعر الفايدة في اجتماعه الأخير ونيته تخفيضها مرة تانية في اجتماعه اللي جاي.
طيب ايه اللي هيحصل في السوق المصري للدهب؟
مصر مش معزولة عن العالم زي ما قلنا قبل كده واي توتر أو ارتفاع أسعار الدهب في الخارج السوق المصري بيتأثر بارتفاع سعره لأن جزء كبير من الدهب بيستورد من بره وبكده الأسعار هتتحسب بالدولار ومايعادلها بالجنيه المصري يعني ممكن نشوف أرقام خيالية لأسعار الدهب في مصر الفترة الجاية وإن كان سوق الدهب المصري ليه عوامل تانية بتأثر على سعره وهو مدى العرض والطلب ولو حصل ارتفاع كبير في الأسعار فممكن الطلب يقل بشكل كبير على الشراء ودا ممكن ينزل الأسعار للحدود الممكنة للشراء.
بالنسبة لو حد بيقكر يشتري دهب ويشيله للزمن فلسه الوقت مفاتش والفرصة متاحة لانه مع التوقعات الصعبة للأسعار الفترة الجاية يبقي الوقت مناسب للشراء دلوقتي والتخزين لغاية وصول الدهب لأقصى نقطة ارتفاع وهنا المكسب هيكون مضاعف.
0 تعليق