كشف الإعلامي تامر أمين حقيقة الادعاءات بقيام محافظة القليوبية بهدم مقابر تحتوي على جثامين لمتوفين في منطقة الخانكة بالمحافظة.
وقال أمين خلال برنامج "آخر النهار" المذاع على قناة "النهار": "موضوع يضايق شوية ولكن التوضيح فيه مهم جدا، خصوصا أنه متعلق مش بس بفكرة الموتى وحرمة الموتى والمقابر وأي كلام في المنطقة دي بيكون قريب من المشاعر والاحاسيس فالكلام فيه دايما حساس".
وأضاف: "أنا هوضح الحقائق مش من الزاوية دي بس ولكن من زاوية اللي بيحصل في البلد ومن زاوية الاتجاهات الشريرة والسلبية والغير قانونية اللي بتحاول طول الوقت أنها تلعب في فكرة السلام العام والرضا العام للمجتمع عشان تعمل حاجة احباط وتشاؤم".
وتابع: "بداية الحكاية للي مش متابعها أني صحيت الصبح لقيت كلام كتير وهوجه ودوشة على السوشيال ميديا متعلقة بأن الحكومة بتهد مقابر في منطقة العبور وبشكل عشوائي فوضوي ولا عاملة حرمة لموتي ولا للجثث ولا للرفاة وأن في مجزرة شغالة هناك".
وواصل: "أولا لأن الموضوع شكل الهوجة أنا الحاجات دي بتقلقني ولأن بحس أن في صوابع ورا الموضوع ده ورقم اتنين اهتميت لأنه متعلق بالموتى وحرمة الموتى وابتديت اشتغل أنا وزملائي في البحث وتقصى الحقائق".
وأوضح: "شوفوا الكدب البين أولا المنطقة ليست منطقة العبور خالص ولا ناحيتها ولا قريب منها ولكن الكلام على منطقة أبو زعبل في حي الخانكة، الأرض دي أرض ليست مخصصة للمقابر ولكن أرض للنشاط التجاري الصناعي والكلام ده مش جايبة من بنات أفكاري ولكن رحنا المحافظة والحي شوفنا الورق والملفات".
وأكمل: "الأرض مخصصة لنشاط صناعي وتجاري والمحافظة مخصصة 170 فدانا في حته تانية لإنشاء بعض المقابل قوم بعض الأهالي قاموا بالمخالفة للقانون بنوا بعض المقابر العشوائية في المنطقة بنوا مقابر بس من غير جثث ولا رفاة ولا موتى".
وذكر: "المقابر مبنية حديثا والناس حبوا انه يخدوا الأماكن دي يعملوا فيها مقابر بدل ما يروحوا الحتة البعيدة اللي مخصصاها المحافظة ويعملوا مقابرهم؛ طيب الناس المخالفة دي عشان يثبتوا الحال ويحاولوا يقننوا المخالفة يقوموا عملوا ايه؟ قاموا حاطين شولة فيها جذوع نخل وركام شجر قال إيه دي رفات الجثث عشان يثبت حال ويقرب أي حد من أنه يقرب".
واختتم: "رجال المحافظة والحي اللي حرصوا وأصروا أنهم ينزلوا مع وزارة الصحة نزلت الحملات مع مسؤولين ولجان من وزارة الصحة عشان المقبرة اللي فيها جثمان ورفاة أو أي شيء يخدوا الإجراءات السليمة لنقل الجثمان، ملقوش جثمان واحد كل اللي لاقوه ملايات ومحشي جواه جذوع شجر وبقايا النخيل محطوطة للايهام بأن هناك جثامين ورفاة".
0 تعليق