كشف الإعلامي هاني حتحوت، تناقض تصريحات نظيره أحمد شوبير مذيع قناة الأهلي، بشأن عقوبة لجنة الإنضباط ضد مروان حمدي.

وقال حتحوت، خلال تصريحات تليفزيونية ببرنامج “الماتش”، عبر قناة “صدى البلد”:” إمبارح اتكلمنا على قصه عقوبات لجنه الانضباط فيما يخص الموسم الماضي بناء وإنه مفروض سيتم الإعلان عنها خلال الأيام المقبلة قبل رحيل اتحاد الكرة”.

وتابع:” حصل نفي كتير للمعلومة وإنه مفيش إيقاف لإمام عاشور 4 مباريات وان مروان حمدي إيقافه 6 مباريات فقط مش 6 شهور وحاجات كتيره”.

وأشار حتحوت:” إحنا لما اتكلمنا على العقوبات قولنا كل العقوبات على كل اللاعبين والأجهزة الفنيه اللي وصلتنا بتاعه الموسم اللي فات، مقولتش على حاجه معينه، وكان لينا تواصل مع مستشار لجنه الانضباط، اللي قولنا ليه هل هيحصل تدخل لتخفيف العقوبات الكبيره دي، وقال لا يجرأ احد أنه يخفضها غير لما تعلن الأول ويحصل تظلم عليها “.

وأكمل:” النهارده الإعلامي الكبير الكابتن أحمد شوبير طلع في راديو اون سبورت ينفي ما قولته بناء عن مصدر وقال إن مفيش إيقاف لإمام عاشور اصلا وان مروان حمدي هيقف 6 مباريات فقط ”

وواصل حتحوت:” أنا قولت العقوبات كامله امبارح 3 ديسمبر .. طيب كابتن شوبير بتاريخ 3 اكتوبر يعني من شهرين طلع واتكلم عن عقوبة مروان حمدي بس وقال إنه هيتوقف 6 شهور ودلوقتي بيقول لا 6 مباريات”.

وأتم:” إحنا جبنا معلومة مروان حمدي زي ما جبنا معلومة امام عاشور وكل العقوبات.. فهل هيحصل تخفيض للعقوبات هنستنى ونشوف لأن المفترض أن مجلس جمال علام يعلن العقوبات بتاعه الموسم اللي فات قبل تولي المهندس هاني أبوريدة اتحاد الكرة المصري الجديد”.