علق مصطفى يونس، نجم الأهلي السابق، على خناقة إمام عاشور لاعب الأحمر مع قائد الفريق محمد الشناوي، وكشف عن كارثة في غرفة ملابس الأهلي.

وقال يونس، خلال تصريحات تليفزيونية ببرنامج “اللعيب”، عبر قناة “mbc مصر”:” أنا كنت كابتن الأهلي سنين طويلة، لما تقول عندي لاعب محترف بيأخذ 20 و15مليون، ومتعرفش بيعملوا إيه؟”.

وتابع: “واحد قالي فلان ومش هقول اسم اللاعب راح النيابة 7 مرات السنة اللي فاتت، ابني عندي 40 سنة وبعرف بيروح فين وبيجي منين”.

وواصل يونس:” شوف لعيبتك بتروح فين، وإزاي تسيطر عليهم، ده مش الأهلي ولا أوضه اللبس بتاعته، كنا بننفعل حبا في الأهلي وليس للمنظرة”.

وأختتم: “أنا مبروحش النادي، لكن عرفت أن في تسريب وحد قال للخطيب في شللية بالأهلي، أنا مش عاوز 
أقول أسماء عملوا ليه واتعمل إيه.