تحدث الملحن محمد رحيم عن دخوله العالمية بأكثر من أغنية، وذلك من خلال لقاء مسجل له قبل وفاته ببودكاست كلام في الفن المذاع عبر شاشة تلفزيون قناة الوثائقية.
دخول محمد رحيم العالمية
وقال محمد رحيم في تصريحاته التي يرصدها موقع تحيا مصر: شوفنا فيديو لمجموعة من الأمريكيين من أصل إفريقي غنوا أغنية صبري قليل بالعربي، وعلشان هما صناع موسيقى كان واضح أنهم كانوا يذاكرون التقطيعة اللي فكرت فيها، علشان مسمعوش حاجة زي كدة وده كانت بالنسبة لي كملحن مصري حاجة تسعدني وتشرفني إننا نوصل موسيقى بلدنا بطريقة مبهرة للناس.
محمد رحيم عن دخول أغانيه موسوعة جينيس: حاجة فخور بيها
وتابع محمد رحيم: بعد 15 سنة من ألبوم جرح تاني اللي كان فيه أغنية "صبري قليل" كنت عامل لشيرين بيعاملني بطيبة وإحساس وفضلوا الأغنتين يتنافسوا مع بعض أول وثاني وحجزوا مكان لمدة 11 أسبوعًا ودخلوا موسوعة جينيس، علشان أكثر مطرب حقق رقم قبلها كان قاعد 3 أسابيع فقط، ودي أكيد حاجة تفرح جدًا، الكريديت مش بيرجع فقط للمطربة اللي غنت، هي دخلت جينيس بأغاني محددة ودي حاجة أنا فخور بها جدًا.
سبب وفاة محمد رحيم
ومن جانبه كشف المخرج ماندو العدل عن سبب وفاة الملحن محمد رحيم، وذلك من خلال منشور عبر حسابه الشخصي على موقع التواصل الاجتماعي فيسبوك.
وكتب ماندو العدل: خبر صادم و حزين .. الملحن الكبير محمد رحيم في ذمة الله .. محمد كان اخ و صديق من اكتر من 20 سنة .. كم ذكريات و ضحك و لحظات فن كبيرة بيننا عمري ما حنساها .. محمد مات من عدم التقدير .. كان دائما يشتكيلي انه مش واخد حقه اعلاميا رغم انه من اهم ملحنين العالم بجوائز عالمية رسمية و معتمدة الا انه اعلاميا مكانش حد بيهتم بالجوايز دي ولا كأنه عمل حاجة .. محمد مات من المجاملات و المحسوبية و ال trend الزائف .. امتي الفنان الحقيقي في الزمن ده هياخد حقة ؟ .. امتي اللي اضاف و متع الناس هو اللي يتصدر المشهد ؟ .. خلاص يا حبيبي مش هعرف اقولك متزعلش تاني و اجيلك الاستوديو اضحكك و نغني سوا .. بقلبك الابيض و اخلاقك و فنك و حساسيتك المفرطة .. اكيد انت عند ربنا في مكان احسن بكتير من دنيا ظالمة و جائرة.. هتوحشني قوي ادعوله لإنه والله يستاهل.
0 تعليق