رد سيد عبدالحفيظ، مدير الكرة السابق، على تصريحات أحمد حسام “ميدو”، نجم الزمالك الأسبق، بشان عدم تشجيعه الأحمر في بطولة كأس العالم للأندية.

وكان ميدو قد قال في تصريحات تليفزيونية:” لا يمكن أبدًا أن أشجع النادي الأهلي في أي مباراة حتى لو في كأس العالم للأندية، أنا راجل غير مثالي أشجع الأهلي ليه؟ أنا راجل زملكاوي أنا لا أشجع أي فريق في مصر إلا الزمالك، ولا يمكن أن أشجع أي نادي تاني غير الزمالك”.

وتابع: “لو الأهلي لعب في المريخ مستحيل اشجعه دي عقلية المشجع بتاع الكورة في أي مكان في العالم، عمرك ما هتلاقي مشجع انتر بيشجع ميلان وهو بيلاعب ريال مدريد”.

وقال عبد الحفيظ، خلال تصريحات تليفزيونية ببرنامج” اللعيب”، عبر قناة” mbc مصر”: “اعتقد ان ميدو لم يوفق في تصريحه انه لن يشجع الأهلي في كأس العالم للأنديه، وهروح لبعد تاني، لو الزمالك هو اللي مكان الأهلي وحد محسوب على الأهلي قال تصريح زي ده هيتمنع من الظهور في الاعلام شهر شهرين وهيتحقق معاه”.

وأردف:” شجع اللي انت عاوزه لكن في النهايه انت بتغطي حدث فيه الاهلي، وميولي مش معاه؟ ولازم تكون على قدر الحدث، اكبر دوله في العالم اللي هي امريكا بتتفتح القرعه والبطولة واللي بيكلم باسقاط ويقلل من البطوله”.

وأكمل عبد الحفيظ:” برشلونة اسم كبير مش موجود وليفربول مش موجود، ولا مصطفى مراد فهمي كان في القرعه وجاب فلان ومجابش فلان، دي معايير وارقام خلال 4 او 5 سنين، هو حاطط كل دوله فيها 2، والدوريات الاوروبيه واخد اثنين، مشهد بدايه ورايحين لبعد البطولة دي تنافس بطولة منتخبات كأس العالم”.