لو عاوز تشتري حاجة كبيرة.. تشتري شقة .. تبدأ مشروعك الخاص.. تشتري حاجات لولادك.. تجدد حاجة فى البيت .. لو نفسك فى حاجة من دول ومش معاك المبلغ المطلوب تعمل إيه ؟ ؟ وهل ممكن فعلاً تاخد قرض شخصي بدون ما تحتاج ضامن؟ وهل الموضوع سهل زي ما بيقولوا؟ طب لو ده حقيقي إيه البنوك اللي بتقدم عروض زي دي في مصر؟ ولو قدمت، هتاخد القرض بسرعة؟ .. فى الفيديو ده هنقولك كل التفاصيل اللى عاوز تعرفها وهنجاوب على كل الأسئلة.

البنوك فى مصر بتتنافس بقوة عشان تقدم خدمات جديدة وتسهيلات لعملائها وواحد من التسهيلات دي هي القروض الشخصية اللي تقدر تاخدها من غير ما تحتاج ضامن.

طب القروض دي مناسبة لمين؟

القروض دي مناسبة لأي حد عنده احتياجات مالية مختلفة سواء تجديد البيت أو تعليم الأولاد أو حتى سفرية للخارج وكل بنك بيحاول يقدم أفضل العروض بأسعار فايدة أقل وفترات سداد أطول عشان يجذب أكبر عدد ممكن من العملاء.. ويقدر يوسع شريحته فى السوق

طب مين البنوك اللى بتقدم القروض دي ؟

فيه أكترمن بنك بيقدم القروض الشخصية وأولهم البنك الأهلي المصرياللى بيتيح لعملائه فرصة الحصول على قرض شخصي من غير ضامن بقيمة تصل لـ 2.5 مليون جنيه.. وتقدر تسدد القرض على فترة تصل لـ 10 سنين، مع فائدة متناقصة سنويًا بتبدأ من 18.5%..  يعني الفايدة بتقل كل ما تسدد أكتر وده بيخلي القرض مناسب لأي حد عايز تمويل طويل المدى وعشان تاخد القرض، فيه شوية شروط لازم تلتزم بيها أهمها لازم مرتبك الشهري يكون على الأقل 1000 جنيه وسنك يكون مش أقل من 21 سنة وبطاقة الرقم القومي بتاعتك تكون سارية ووتجيب خطاب من الشغل يثبت إنهم هيخصموا الأقساط من مرتبك.

ده غير إن الشروط دي بتضمن إنك تكون قادر على الالتزام بسداد القرض، وده بيحميك وبيحمي البنك في نفس الوقت.

كمان  البنك التجاري الدولي CIB  بيقدم قرض شخصي من غير ضامن، والمبلغ بيتراوح ما بين 5 آلاف جنيه لحد 3 مليون جنيه.. يعني عندهم خيارات واسعة جدًا تناسب احتياجات كل عميل.. والفايدة هنا بتبدأ من 14% وبتقل لو مرتبك مش متحول للبنك ومدة السداد بتوصل لحد 8 سنين وده برده مناسب لأي حد محتاج قسط طويل المدى.

و برضه فيه شروط وأهمها سنك لازم يكون بين 21 و60 سنة، ولو صاحب مهنة حرة، السن الأقصى هو 65 سنة والمرتب الشهري لو موظف لازم يكون على الأقل 2600 جنيه ولو صاحب مهنة حرة، لازم يكون دخلك الشهري مش أقل من 10,000 جنيه.. وكمان لازم يكون عندك تأمين على الحياة عشان لو حصل أي حاجة مفاجئة القرض يتسدد.

و بنك مصرعنده عرض مغري جدا على القرض الشخصي وبتقدر تاخد قرض شخصي من غير ضامن بقيمة تصل لمليون جنيه، وده بيشمل جميع الفئات، سواء موظفين، أو أصحاب مهن حرة، أو حتى المتقاعدين. ميزة بنك مصر إن الفايدة بتاعته متناقصة سنويًا بنسبة 15.25%، ومدة السداد بتوصل لحد 10 سنين.. ومن شروط القرض الشخصي فى بنكمصر مرتبك لازم يكون على الأقل 1000 جنيه لو مرتبك متحول للبنك، ولو مش متحول، يبقى المرتب مش أقل من 2000 جنيه وسنك لازم يكون بين 21 و60 سنة لو موظف وأصحاب المهن الحرة، السن الأقصى ليهم هو 65 سنة ولازم تكون شغال في وظيفتك على الأقل 3 شهور.