قال أحمد شاهين لاعب نادي المنصورة، أنه يتأسف لعلاء نوح المدير الفني لفريق المنصورة ومصر بالكامل بسبب ما حدث منه في مباراة المنصورة والمقاولون في دوري المحترفين، ويستعرض موقع تحيا مصر تصريحات أحمد شاهين.
تصريحات أحمد شاهين
وأضاف أحمد شاهين في تصريحات تليفزيونية مع الإعلامي إبراهيم فايق على أم بي سي مصر 2، أنا زعلان من نفسي بسبب اللي حصل مع المدرب، ووضع نادي المنصورة صعب للغاية وضغط الجماهير بسبب وضع النادي وبتعرض لضغوطات كبيرة للغاية وأنا لاعب شاب.
وأكمل أحمد شاهين، أنا نزلت في الدقيقة 61 وخرجت في الدقيقة 70، والمدرب من وجهة نظرة بيقول أني مش نفذت طلباته الفنية في الملعب، وأنا كنت بضغط على لاعيبه المقاولون العرب كانوا 3 لاعيبه ومفيش أي لاعب معايا في وقتها.
وتابع أحمد شاهين، المدرب قالي ما تضغط أكتر قولتله ياكابتن ما أنا بضغط أهو وهو دا اللي حصل بس وفي لحظة أنا وقفت واللاعيبه بتنقل الكورة وأنا لواحدي، وعلاقتي مع المدرب عادية وطبيعية وبشارك بشكل مستمر، وكان في الفترة الأخيرة في التدريبات بيتعصب عليا ويقولي أطلع برة.
أحمد شاهين لاعب المنصورة
وأشار أحمد شاهين، في الفترة الأخيرة كانت بتحصل أمور في الملعب وبيتعصب عليا وكانت الأمور بتنتهي بعد نهاية التمرين، وأنا غلطان في حق المدرب جدا والناس ضيعت مستقبلي، وبعد خروجي من الملعب ذهبت لغرفة خلع الملابس ومفيش أي شخص من النادي كلمني.
وأردف أحمد شاهين، من حق إدارة المنصورة أنها تعمل أي حاجه معايا في الفترة اللي جاية، وأنا قررت الاعتزال لأن اللي حصل مني صعب وأنا كنت متعصب جدا بسبب أني نزلت 5 دقايق في الملعب واللي حصل خارج عن إرادتي.
0 تعليق