إيه اللي يخلي دولة زي مصر تستورد عطور ومزيلات عرق بمئات الملايين من الدولارات؟!و ليه بنصرف عملة صعبة على حاجات زي الشيكولاتة وحقائب اليد والسيراميك في وقت البلد بتواجه فيه أزمة دولار خانقة؟! طيب.. هل فيه حلول؟ وهل ممكن نوفر المليارات دي سنويا لو ركزنا على حاجات تانية؟ ده اللي هنحاول نشرحوا فى الفيديو ده بعد تصريحات الرئيس عبد الفتاح السيسي اللى قال فيها ان مصربتصرف على العطورومزيلات العرق 440 مليون دولار و500 مليون دولار على مستحضرات التجميل، و200 مليون دولار على شنط اليد. والأرقام كمان مش بتقف هنا.. حتى الشيكولاتة بـ 400 مليون دولار، و500 مليون دولار بنستورد بيها سيراميك وورق الفويل!
من كام ساعة الرئيس السيسي وخلال افتتاحه لمحطة قطارات بشتيل اتكلم بوضوح عن أزمة الدولارفى مصر .. وليه سعر العملة الأمريكية بقا غالى أوي كده .. وازاى ده أثر على أسعار كل السلع .. السيسي انتقد بشكل واضح استيراد عدد من اليلع الترفيهية غير الضرورية وقال انها بتستنزف الاحتياطي النقدي من العملة الأجنبية .. وشدد على إن البلد مش هتقدر تستمر في استيراد سلع بالشكل ده في وقت فيه أزمة في العملة الأجنبية، وقال بوضوح إن الكلام ده مش ممكن يستمر بالشكل ده لو عايزين فعلاً نخرج من الأزمة الاقتصادية دي.؟
الأرقام فعلاً صادمة، لكن ممكن حد يسأل نعمل ايه لو اتوقف استيراد السلع دي؟ ومنين نجيب بدايلها؟
أول حاجة، مصر فعلاً عندها القدرة إنها تقلل من استيراد السلع دي عن طريق التصنيع المحلي.. ليه بنستورد ورق الفويل مثلًا بملايين الدولارات رغم إننا ممكن نصنعه محليًا؟ ده مش بس هيوفر علينا الدولار ده كمان هيفتح فرص جديدة للاستثمار والتشغيل في السوق المحلية.. نفس الفكرة مع السيراميك.. مصر عندها مصانع كتيرة للسيراميك.. فليه نستورد بدل ما نركز على دعم المنتج المحلي وزيادة جودته
بالنسبة لمستحضرات التجميل والعطور.. ده سوق كبير وفيه فرص هائلة إننا نصنع المنتجات دي هنا.. إحنا عندنا خامات ممكن تُستخدم في تصنيع العطور ومزيلات العرق ومن غير ما نحتاج نصرف كل الفلوس دي في استيراد حاجات ممكن تتعمل عندنا لو استثمرنا في الصناعات دي محليًا مش بس هنوقف نزيف العملة الصعبة، ده كمان ممكن نبدأ نصدر ونحقق دخل إضافي.
أما بقى بالنسبة للشيكولاتة وحقائب اليد، صحيح في ناس بتحبها، لكن هل البلد في الوضع الحالي محتاجة تستهلك بالشكل ده؟ الشيكولاتة مثلًا، ممكن نستبدلها بمنتجات محلية، وحتى الحقائب، فيه صناعات محلية بدأت تظهر وبتقدم جودة عالية.. ليه بنستورد وندعم اقتصاد دول تانية بدل ما ندعم اقتصاد بلدنا فيظلظروفبالغة الصعوبة مش بس على مصر ده على اقتصادات دول عملاقة
الأرقام اللي قالها الرئيس السيسي بتكشف إن فيه إمكانيات ضخمة لتوفير مليارات الدولارات سنويًا لو ركزنا على تقليل استيراد السلع غير الضرورية .. واستثمرنا في التصنيع المحلي… صحيح القرار مش سهل .. لكن الأكيد إن مصر عندها القدرة.. وعندها الفرص.. وعندها كمان السوق المحلي اللي ممكن يخلي التصنيع حل حقيقي لأزمة الدولار.
و السؤال اللي لازم نسأله لنفسنا: هل احنا فعلاً محتاجين نستورد كل الحاجات دي؟ وهل ممكن نبدأ نصنعها هنا؟ والأهم.. هل إحنا مستعدين نتخلى عن العادات الاستهلاكية دي في سبيل دعم الاقتصاد المصري وتحسين وضعنا المالي؟ ولا هنفضل نلففى دايرة مغلقة والزمة كل يوم تكبر
0 تعليق