ايه حكاية بورصة الحبوب اللي بريكس اللي ناوي يعملها بديلا عن البورصات الغربية وازاي مصر أكبر المستفيدين من إنشاء البورصة الجديدة وعلاقة دا بحماية الأمن القومي المصري.. خليكم معانا للآخر وهنشوف التفاصيل

 
بالارقام مصر من اكبر الدول المستوردة للقمح في العالم بحوالي 10 مليون طن سنويا مقسمة بالتساوي تقريبا بين القطاعين الحكومي والخاص ومصر بتستهلك تقريباً 20 مليون طن في السنة يعني نص استهلاكنا من القمح واللي بيعتبر سلعة استراتيجية منقدرش نستغني عنها لأنها بتدخل في صناعة لقمة العيش وباقي المخبوزات ومصر بتستورد قمح تقريبا من 3.5 إلى 4 مليار دولار سنويا ولأنها سلعة استراتيجية وبتتعلق بالأمن القومي المصري الحكومة دايما بتعمل مخزون استراتيجي يكفي ما بين 6 إلى 7 شهور تحسبا لأي أزمات في سلاسل الإمداد أو ارتفاع الأسعار العالمية نتيجة الصراعات الدولية وشفنا دا في الشهور اللي فاتت واللي الحكومة بتوجيهات مباشره من الرئيس السيسي اشترت أكبر كمية قمح في تاريخها لتأمين الاحتياطي الغذائي المصري وعمل حساب أي تطورات مفاجئة في الأسواق العالمية لأن العملية دي مفهاش هزار وتتعلق بلقمة العيش.

والحقيقة الرئيس السيسي كان عنده بعد نظر لما أطلق المشروع القومي للصوامع وانشأ عشرات الصوامع الحديثة لزيادة المخزون من 3 شهور الى اكتر من 7 شهور من خلال التخزين الحديث للحبوب وتقليل الهادر والفاقد ودا وفر ملايين الدولارات اللي كانت بتروح مع هطول الأمطار وتلف الحبوب في المخازن الأرضية المكشوفة.
طيب ايه علاقة مشروع بريكس الجديد لبورصة الحبوب ؟
متستغربش لو قلنا لحضرتك أن مصر اكتر دولة مستفادة من المشروع دا بعد انضمامها رسميا لمجموعة البريكس العملاقة ودا لأن البورصة الجديدة معناها سهولة تداول الحبوب بين الدول الأعضاء وبأسعار تفضيلية وسهولة في السداد واصلا مصر بتستورد اكتر من 70% من القمح من روسيا واللي بتعتبر من أكبر الدول المنتجة للقمح في العالم وبورصة الحبوب الجديدة التابعة للبريكس هتضمن تدفق دائم للقمح لمصر وباقي الحبوب ودا لأن من اهداف بريكس تأمين احتياجات الدول الأعضاء.
وفيه استفادة كبيرة من بورصة بريكس للحبوب وهي إنهاء سيطرة وهيمنة دول تانية على السوق واستغلاله في فرض شروطه أو سياسته على الدول المستوردة زي مصر يعني مصر مش هتبقي تحت رحمة منتجين القمح وكمان فيه حاجة تانية ممكن تحصل واستفادة مصر تضاعف وهي شراء القمح بالحنيه المصري ودا مع اتجاه بريكس لاعتماد العملات الوطنية للدول الأعضاء في التعاملات التجارية ولسه دا كمان البورصة الجديدة مش هتخلي مصر تلف على أسواق القمح التانية وتسبب هم تشتري منين بأسعار أرخص.