تعبت من الشغل وبتفكر تخرج معاش مبكر وتشوف مصلحتك في نشاط حر ومش عارف أزاي الفديو دا هيقولك كل التفاصيل الخاصة بالمعاش المبكر في 2025 والخطوات والاجراءات.. خليكم معانا للأخر وهتعرفوا التفاصيل في التقرير دا.

على فكرة اقتصاد دول العالم المتقدم كله قايم على القطاع الخاص والمشروعات الخاصة بالافراد والاستثمار الخاص وأخر حاجة بيفكروا فيها في الغرب وأمريكا مثلا هي الموظفين في الجهاز الإداري لأن التكنولوجيا الحديثة وفرت عدد كبير من الموظفين وقلصت أعداد موظفي الحكومة بره بعد مابقت أغلب الخدمات الحكومية أون لاين وعن طريق التكنولوجيا الحديثة أو الحكومة الرقمية ومفيش حاجة اسمها طوابير والموظف مش موجود لأن كل الخدمات أو معظمها المواطن بيحصل عليها أون لاين وبشكل لحظي من سيستم الحكومة الرقمية.
الحكومة المصرية بتشجع القطاع الخاص دلوقتي عشان  أو تقلص الجهاز الاداري وتوسع خدمات الموظف الالكتروني أو الحكومة الرقمية عشان المواطن يحصل على خدمته في دقيقة واحدة 
ومن بين الأدوات تيسير الحكومة لاجراءات المعاش المبكر.. ودا مش معناه إن الحكومة عاوزة تتخلص من الموظفين بالعكس الدولة عاوزة تفتح المجال ومتكونش عقبة لو الموظف فكر يعمل بيزنس أو مشروع خاص بيه وفي نفس الوقت المعاش المبكر اختياربي يعني الحكومة مش بتجبر موظف إنه يطلع معاش وبالعكس منظومة المعاش المبكر بتضمن كل حقوق الموظف.

عشان كل الاسباب اللي قلنا عليها دي الحكومة مهتمة جدا اليومين دول بملف الحماية الاجتماعية بشكل كبير جدا وحدد قانون التأمينات الاجتماعية والمعاشات عدة شروط لاستحقاق المعاش المبكر وفق المادة 102 من اللائحة التنفيذية ودا لضمان حقوق الموظفين في حالة الخروج المبكر على المعاش.

طيب إيخ هي الشروط الأساسية للمعاش المبكر 2025؟
اولا مدة اشتراك كافية يعني لازم تتوفر مدد اشتراك في تأمين الشيخوخة والعجز والوفاة لمنح الحق في معاش لا يقل عن 50% من أجر أو دخل التسوية الأخير.

اما الحد الأدنى للمعاش فيجب ألا يقل عن 65% من الحد الأدنى لأجر الاشتراك بتاريخ استحقاق المعاش.

وبخصو مدة الاشتراك الفعلية فلازم تشمل مدة الاشتراك عشرين سنة فعلية كحد أدنى وبداية من 1 يناير 2025 بتزيد مدة الاشتراك المطلوبة إلى 25 سنة فعلية.

وبعدين ايه الالي بيحصل؟
بتروح حضرك تقدم طلب الصرف باستخدام النموذج المرافق رقم (20 وبيشترط ألا يكون المؤمن عليه خاضعًا لهذا التأمين وقت تقديم طلب صرف المعاش.
كمان لازم يتم سداد جميع المبالغ المستحقة على المؤمن عليه، سواء كانت خاصة بمدد الاشتراك أو القيمة الحالية للأقساط المستحقة.

كل اللي فات دا بيهدف إلى تحقيق العدالة بين الموظفين وضمان توفير معاش يضمن حياة كريمة للمستحقين، مع الحفاظ على استدامة الصناديق التأمينية وتعزيز حماية حقوق الأجيال القادمة.