أعلنت الفنانة ألفت عمر، وفاة والدها، بعد زيادة نسبة ثاني أكسيد الكربون في الدم، ما أدى إلى وفاته، فيما لم تكشف عن موعد ومكان الجنازة.

وكتبت ألفت عمر، عبر صفحتها على موقع التواصل الاجتماعي «فيس بوك»، قائلة، «مات أبى، مات أعظم الرجال، مع السلامة يا حبيبى يا حبيبى يا حبيبى».

وكانت الفنانة ألفت عمر، قد كشفت في وقت سابق عن تطورات الحالة الصحية لوالدها، بعد دخوله المستشفى وارتفاع نسبة ثاني أكسيد الكربون في الدم.

ألفت عمر تطالب جمهورها بالدعاء لوالدها

ونشرت ألفت عمر، عبر صفحتها على موقع التواصل الاجتماعي «فيس بوك»، قائلة، «امبارح طلبت دعواتكم، النهارده حبيت أقولكم الدعوات جابت نتيجة وثانى أكسيد الكربون نزل معدله في الدم، كان 120 وده خطر جدًا جدًا، دلوقتى بقا 80، لسه فيه خطوره على حياته».

ووجهت ألفت عمر رسالة شكر لجمهورها قائلة، «شكرًا من قلبى لكل حد دعى له، دعواتكم هي السبب، ربنا قال خدوا بالأسباب، والدعاء بيغير القدر، الحمدلله فيه تحسن ضعيف، بس لسه فيه أمل، أرجوكم كملوا الدعاء، أرجوكم ادعوا كمان وكمان».

قبلها ظهرت ألفت عمر، في لايف على صفحتها على «فيس بوك»، قالت فيه، «أنا أول مرة أطلع لايف واتكلم عن حياتي الشخصية، وبطلب من كل الناس اللي تعرفني واللي ما تعرفنيش، بطلب الدعاء منهم، بابا حالته صعبة، عايزة منكم تدعوا له، هو في حالة حرجة، وهو على جهاز التنفس الصناعي، وهو في مرحلة حرجة جدًا، وهتاخد وقت، وعايزة الدعاء، وبطلب منكم الدعاء له، عايزة أكبر عدد ممكن يدعوا له، وأي حد يعرفني؛ يا ريت يدعوا لوالدي الذي علمني كل حاجة حلوة، قلبه كبير والخير كله عنده».

وأضافت، «أنا عمري ما طلبت من حد حاجة، لكن بطلب منكم الدعاء له، مش عشان والدي؛ لكن والدي قلبه كبير، وبيحب الخير للناس كلها».