تأمين الطاقة ووقف استيراد الوقود هدف استراتيجي للدولة المصرية.. وحاليا الدولة دخلت في شراكة من شركات أماراتية لتأمين الطاقة لفصل الصيف اللي جاي .. ياتري اية اللي بتعمله وزارة الكهرباء وازاي هتأمن الطاقة لفصل الصيف اللي جاي.

في ناس كتير متخوفة من فصل الصيف اللي جاي، وخايفة للكهرباء ترجع تقطع تاني بالساعات زي ما كان بيحصل في السنة اللي فاتت، بس الدولة طلعت وقطعت الشك باليقين في النقطة دي وقالت أنه مش هيحصل قطع للكهرباء تاني بسبب تخفيف الاحمال، وأن الكهرباء هتفضل مستمرة وشغالة باستمرار، وأن الدولة هتولد طاقات كتيرة من الشمس والهواء بدون ما تدفع فلوس علشان توفر الغاز الطبيعي والمازوت اللي كانت الدولة بتستورده لتشغيل محطات توليد الكهرباء.

طيب اية اللي بتعمله الدولة علشان تأمن الكهرباء وتوقف استيراد الغاز الطبيعي من الخارج؟.

الدولة في الفترة اللي فاتت عملت اكثر من اتفاقية شراكة مع عدد كبير من الشركات في مجالات الطاقة الجديدة والمتجددة وخصوصا الشركات الاماراتية، وده بعد النجاح اللي حققته الشركات الاماراتية في َإضافة ٣٠٠ ميجاوات ساعة بنظام تخزين بالبطاريات من مشروع محطة أبيدوس1 بقدرة ٥٠٠ ميجاوات في محافظة أسوان الذى، وحاليا الشركات الأماراتية شغالة علي مشروع لتوليد 500 ميجاوات من طاقة الرياح بخليج السويس وهيتم ربط القدرات الجديدة على الشبكة الموحدة قبل بداية فصل الصيف اللي جاي.

مش كده بس لا ده كمان الدولة هتضيف 1500 ميجاوات من نظام بطاريات التخزين المستقلة، والمشروع واحد من اهم المشاريع اللي الدولة ضافته للشكبة الموحدة للكهرباء وهيعمل استقرار مستمر للتيار.

مشروعات استغلال طاقة الشمس والرياح بتشمل كمان، تنفيذ مشروع أبيدوس2 بالطاقة الشمسية واللي الحكومة شغاله عليه حاليا وهيكون بقدرة 1000 ميجاوات، بالأضافة الي 600 ميجاوات ساعة نظام تخزين وده مشروع بيتم بالتعاون بين قطاع الكهرباء ومجموعة النويس.

طيب اية هيا خطة الدولة للتوسع في الطاقات الجديدة والمتجددة؟.
الدولة عندها خطة أنها توصل بنسبة مساهمة الطاقة المتجددة في مزيج الطاقة إلى أكثر من 42٪ بحلول عام  2030 ، و65 % فى عام 2040، والخطة دي بتستهدف زيادة استخدامات الطاقات المتجددة وخفض إنبعاثات الكربون، وكمان ساعد الدولة في توفير  1.5 مليار دولار في 6 شهور كانوا متخصص لاستيراد الغاز الطبيعي لتشغيل محطات التوليد .