هو إزاي الرئيس السيسي غير خريطة التنقل في مصر، وإيه كمية المشروعات العملاقة اللي بتنفذ في قطاع النقل في السنين الأخيرة، وإيه هي أهدافها، وهل هتساعد بشكل أو بآخر في مساندة ودعم الاقتصاد.. هنقولك كل التفاصيل في التقرير  ده فتابعنا للآخر.
 

من يوم ما أطلق الرئيس عبد الفتاح السيسي، رؤيته لبناء الجمهورية الجديدة، وعجلة العمل مابتقفش في كل أنحاء الجمهورية عشان تتنفذ الرؤية دي، وطبعا، رؤية الريس اتجسدت في مشروعات عملاقة في كل المجالات عشان تحقق التقدم والتنمية في مصر، و كا لمشروعات البنية التحتية وعلى رأسها مشروعات النقل، النصيب الأكبر من الخطة دي.

عشان كده، وزارة النقل نفذت مشروعات عملاقة، زي شبكات ( طرق وكبارى – سكك حديدية – الأنفاق والجر الكهربائى – الموانئ البحرية – الموانئ البرية والجافة والمراكز اللوجيستية – النقل النهرى ) .

وفي الفترة من سنة 2014 لسنة 2024، تم تطوير قاله النقل بتكلفة إجمالية 2 تريليون جنيه، واتوزعت كالتالي: ( 530 مليار جنيه الطرق والكباري – 225 مليار جنيه السكك الحديدية – 1100 مليار جنيه الأنفاق والجر الكهربائي – 129 مليار جنيه الموانئ البحرية – 15 مليار جنيه الموانئ البرية والجافة والمناطق اللوجيستية – 4 مليار جنيه النقل النهري ) ، وتم خلال العشر سنين الأخيرة إنجاز مشروعات كتيرة.

أول المشروعات دي كان في مجال الطرق والكباري، فتم تنفيذ المشروع القومي للطرق، اللي ربط شبكة الطرق بخطط التنمية الاجتماعية والاقتصادية للدولة، وعزط فرص التكامل الاقتصادي مع الدول المجاورة، وبالفعل، تم إنشاء طرق جديدة بإجمالي أطوال 7000 كم بتكلفة 175 مليار جنيه، وتم الإنتهاء من تنفيذ 6300 كم منها بتكلفة 155 مليار جنيه، وجاري العمل في 700 كم ، كمان تم التخطيط لتطوير و ازدواج ورفع كفاءة 10 آلاف كم من شبكة الطرق الحالية بتكلفة 130 مليار جنيه، وتم الإنتهاء من تنفيذ 8400  كم منها بتكلفة 110 مليار جنيه.

أما قطاع السكك الحديدية، فشهد هو كمان ثورة تطوير، وتموضع خطة شاملة لتطوير عناصر منظومة السكك الحديدية، وارتكزت على 5 محاور رئيسية، وهي  تطوير الوحدات المتحركة والبنية الأساسية ونظم الإشارات والورش الإنتاجية وتنمية العنصر البشري، وكل ده بهدف رفع طاقة النقل وتعظيم نقل الركاب والبضائع علي خطوط الشبكة ورفع معدلات الآمن والسلامة

ومن المستهدف رفع طاقة نقل الركاب من 1,2 مليون راكب / يوم عام 2014 إلي 1,5 مليون راكب / يوم عام 2024 و2 مليون راكب / يوم عام 2030 ورفع طاقة نقل البضائع من حوالي 5 مليون طن سنوياً عام 2014 إلي 8 مليون طن سنويا عام 2024 و 13 مليون طن سنوياً عام 2030.

أما في مجال مترو الأنفاق والجر الكهربائي، فتم التوسع في إنشاء شبكة مترو الأنفاق بالتوازي مع إنشاء شبكة من وسائل الجر الكهربائي الجماعي السريعة، زي افتتاح المرحلتين الأولي والثانية من القطار الكهربائي الخفيف LRT ( السلام – العاشر – العاصمة الإدارية ) بطول 70 كم وعدد 12 محطة بتكلفة 26,3 مليار جنيه.

كمان، تم الانتهاء من تنفيذ وافتتاح المرحلة الثالثة من الخط الثالث لمترو الأنفاق من العتبة إلي الكيت كات وحتي إمبابة شمالاً و جامعة القاهرة جنوباً بطول اجمالي للمرحلة 17,7  كم وعدد 15 محطة.

كل ده بجانب تنفيذ 3 خطوط من شبكة القطار الكهربائي السريع بإجمالي أطوال 2000 كم وعدد 60 محطة وتشمل الخط الأول ( السخنة – العلمين – مطروح ) بطول 675 كم والخط الثاني ( أكتوبر – أسوان – أبوسمبل ) بطول 1100 كم والخط الثالث( قنا – الغردقة – سفاجا ) بطول 225 كم .

وكمان، تنفيذ مونوريل شرق النيل بطول  56,5 كم وعدد 22 محطة، وجاري تنفيذ مونوريل غرب النيل بطول  43,8 كم وعدد  13 محطة، ده غير التطوير اللي بيحصل في المواني البحرية والبرية.

طبعا، كل المشروعات دي اتنفذت لأول مرة في مصر في عهد الرئيس السيسي، واللي بتعكس نجاحه خطته في تسهيل حياة المصريين وتنفيذ مشروعات قومية تدخل فلوس لخزينة الدولة وتنعش الاقتصاد الكلي.