السياحة واحد من الموارد المهمة جدا للاقتصاد المصري.. ومصر عندها خطة أنها توصل لـ18 مليون سائح.. ياتري مصر هتوصل للرقم ده أزي.. ومصر مستهدف تحقق كام مليار دولار كايرادات لقطاع السياحة في 2025؟

السياحة واحدة من القطاعات اللي قام عليها الاقتصاد القومي لعدد كبير من الدول حوالين العالم وعلشان كده مصر عايزة تكرر تجربة الدول دي، ويكون قطاع السياحة هو القطار اللي بيجر الاقتصاد المصري لبر الامان، وفعلا الدولة في الفترة اللي فاتت عملت اكثر من حاجة علشان تروج بشكل عالمي للسياحة، وعلشان تستهدف اسواق سياحية بتعتبر مش معروفة للسوق السياحي المصري.. والهدف جذب 18 مليون سائح فى 2025 والرقم ده لو اتحقق ممكن يدخل للبلد حوالى 18 مليار دولار.

مصر في الفترة دي مهتمة جدا بالترويج السياحي واللي بيقوم فكرته علي تعريف الناس في كل دول العالم بالمعالم السياحية والأثرية اللي موجودة في مصر، والمعالم اللي يقدر يزوها وقت نزوله لمصر، وبيكون الهدف من الترويج السياحي هو جذاب مشاعر السائحين حوالين العالم علشان يختاروا مصر بدل من كل دول العالم، وفعلا مصر في الفترة اللي فاتت عملت حاجتين لسه معلمين وهيفضل العالم كله فاكرهم وهما احتفالات طريق الكباش وحفل نقل المومياوات الملكية من المتحف المصري بالتحرير الي المتحف القومي للحضارة المصرية والحفلين دول العالم كله هيفضل فاكرهم خصوصا أنهم كانوا بحضور عدد كبير من القنوات العالمية واللي كانت حريصة أنها تحضر الحفل وتنقله لسكان بلادهم.

وبعد الحفلين دول التوافد السياحي علي مصر كان كبير جدا ومش متوقع وكان السبب هيا الصورة الإيجابية اللي مصر قدرت تنقلها علي نفسها بسبب التنظيم والإحراج الجيد لحفلي نقل المومياوات الملكية وافتتاح طريق الكباش.

مصر في الوقت الحالي تستعد علشان تعمل معجزة جديدة في عالم الترويج السياحي وهتكون من افتتاح المتحف المصري الكبير واللي بيعد أنه هيكون من اكبر المتاحف الأثرية، واللي هيضم اكثر من 50 الف قطعة اثرية هتعرض بعضها لأول مرة في التاريخ زي المجموعة الكاملة للملك الذهبي توت عنخ آمون واللي بيوصل عددها لأكثر من 5300 قطعة اثرية هتعرض مع بعضها في قاعة واحد من وقت اكتشافها في الدير البحري الاقصر في 1922 علي يد عالم الاثار الأنجليزي هوارد كارتر واللي هتكون مفاجئة الافتتاح.

المتحف المصري الكبير مش هيكون هو المفاجاة الوحيدة في 2025 واللي رفع سقف طموحات الحكومة واللي حاليا بتستهدف الوصول لـ18 مليون سائح خلال العام الجاري، خصوصا أننا عندنا اكثر من مفاجاة جاهزة للافتتاح زي متحف عواصم مصر بالعاصمة الإدارية الجديدة واللي هيحي تاريخ عواصم مصر علي مر التاريخ وافتتاح اعمال تطوير منطقة الأهرامات الاثرية واللي هتكون مربطة مع المتحف المصري الكبير بكوبري مشاة ويقدر الزائر يدخل المتحف المصري الكبير ويطلع منه علي زيارة الاهرامات، والحكومة استهدفت من الربط ده أن الزائري يدخل مكانيين اثريين في مكان واحد.