أخبار وأرقام ضخمة وإيجابية واتفاقيات مهمة شهدها الاقتصاد المصري على مدار الأيام اللي فاتت.. ياترى إيه اللي حصل والمؤشرات بتقول إيه.

الرئيس السيسي كان بطل الأحداث في الأيام اللي عدت على الساحة الاقتصادية ودا بعد استقباله لكريستوفر كالدويل، الرئيس التنفيذي لشركة كونسنتركس الأمريكية الرائدة في مجال تقديم خدمات التعهيد والأعمال ومراكز الاتصال ودي شركة عالمية في تخصصها .. وناقش الرئيس السيسي مع مسئول الشركة الأمريكي  خطط مصر لتعزيز البنية التحتية في مجالات الاتصالات وتكنولوجيا المعلومات وإطلاف عدد كبير من البرامج التدريبية والتأهيلية لتعزيز وتطوير كفاءات الكوادر الرقمية، خصوصا من الشباب لإعدادهم للانخراط والعمل في الشركات العاملة في القطاعات المرتبطة بالاتصالات وتكنولوجيا المعلومات.

الرئيس ناقش كمان خطط توسيع حجم صادرات خدمات التعهيد اللي بتعتمد على قيام شركات اجنبية بفتح مراكز متخصصة ليها في مصر وتوظيف متخصصين مصريين لتقديم خدمات رقمية لعملاء الشركات دي خارج مصر.

وبعد اجتماع الرئيس هيئة تنمية صناعة تكنولوجيا المعلومات (إيتيدا) وقعت مذكرة مع شركة "كونسنتركس لضخ استثمارات بالسوق المصرية بحوالي مليار دولار هتساهم في توفير 16 ألف فرصة عمل جديدة؛ ليصل إجمالي عدد العاملين بالشركة إلى 35 ألف موظف بنهاية عام 2028.

مصر كمان كانت على موعد مع أخبار سارة كتير اليومين اللي فاتو إزاي إعلان وزارة البترول عن كشف بترولي جديد في خليج السويس باحتياطي أولي 8 مليون برميل على الأقل في بئر "إيست كريستال-1" بخليج السويس، والتى بتتولي اعمال التنقيب فيه  شركة دراجون أويل الإماراتية ودا غير إن حجم البترول الخام المكتشف كان في طبقة واحدة من التربة ولسه في طبقات تانية هيتم البحث فيها ومتوقع تزيد من الاحتياطي المعلن بشكل كبير.

وكمان البنك المركزي زف بشرى سارة حولين القفزة في ملف تحويلات المصريين بالخارج  واللي زادت بنسبة 47.1% في سنة 2024 ووصلت لـ26.3 مليار دولار خلال 11 شهر بس..  وده رقم كبير مقارنة بالسنة اللي فاتت.

أهمية تحويلات المصريين في الخارج وقال إنها بتعتبر أكبر مصدر للعملة الصعبة في مصر وبتتفوق على السياحة وقناة السويس والاستثمارات الأجنبية المباشرة.. وإنه لما التحويلات تزيد البنك المركزي بيلاقي دولارات أكتر وده بيساعد في تقليل الضغط على الاحتياطي النقدي.. والتحويلات دي كمان بتساعد في تغطية فاتورة الاستيراد خصوصًا إن مصر بتستورد جزء كبير من احتياجاتها بالدولار.

ملف تاني مصر انتصرت فيه وهو ملف قرض من صندوق النقد الدولي ودا بعد إعلان الدكتور محمد معيط وزير المالية السابق واللي هو في نفس الوقت المدير التنفيذي بصندوق النقد الدولي إن المراجعة الرابعة لبرنامج التمويل بين الصندوق ومصر على مستوى الخبراء انتهت بنجاح.

وقال معيط إنه باقي بس تحديد معاد اجتماع المجلس التنفيذي واللي هيكون قريب جدا لانتهاء المراجعة رسميا وصرف الشريحة الرابعة اللي بتوصل مليار و200 مليون دولار.

أهمية صرف الشريحة الرابعة من القرض المصري  إنها هتعزز الثقة الدولية في الأسواق المصرية وهتجذب مزيد من الاستثمارات الأجنبية.

اخر حدث كان ومازال قالب العالم هو منصة الذكاء الاصطناعي الصينية "ديب سيك" واللي قدرت تحقق إنجاز كبير ولافت وهو إنها اتصدرت قائمة التنزيلات في متجر تطبيقات آبل في أمريكا، وبالفعل اتفوقت على "شات جي بي تي" التابع لشركة "أوبن أيه آي". واتسببت في خسارة فادحة لشركات التكنولوجيا الامريكية وصت لتريليون دولار.