شهر رمضان واحد من الشهور اللي استهلاك الأسر بيكون فيها مرتفع شوية بسبب التجمعات العائلية.. الحكومة بتعمل استعدادات خاصة للشهر الكريم ده.. ياتري ازاي الحكومة بتستعد لتوفير السلع للمواطنين في الشهر الكريم ده.. وهل اسعار السلع هترتفع في شهر رمضان.
شهر رمضان واحد من اكثر الشهور اللي معروقة بالروحانيات، والزيارات والتجمعات العائلية والعزومات، وكل الأسر المصرية بلا استثناء بتعمل استعدادات خاصة لاستقبال الشهر ده، والأمهات والأبناء بيكونوا حريصين أنهم ينزولوا قبل بداية الشهر علشان يشتروا احتياجات البيت من زيت وسكر وياميش وكل المستلزمات الغذائية اللي بيحتاجها كل بيت مصري.
معروفة أنه قبل دخول شهر رمضان بتكون المحلات التجارية مليانه وعلي اخرها وبتكون الناس مشغولة بتجهيزات رمضان، وعلشان كده الحكومة هيا كمان بدأت تجهز بدري بدري علشان توفر السلع والمستلزمات الغذائية للمواطنين وبكميات كبيرة وكمان تكون باسعار مقبولة ومنخفضة علشان تكون مناسبة لكل الأسر المصرية خصوصا الأسر محدودة ومنخفضة الدخل .
طيب ازاي الحكومة بتستعد لشهر رمضان وأزاي بتوفر السلع في الأسواق؟.
وزارة التموين والتجارة الدخلية أعلنت عن تشكيل لجنة مكبرة من كل القطاعات الموجودة في الوزارة بالتعاون مع جهاز جماية المستهلك علشان يراقبوا الاسعار بالأسواق ويتاكد أن كل السلاسل التجارية والمولات والتجار متلزمين بالاسعار اللي حددتها الوزارة للسلع والمستلزمات الغذائية، وميكونش في مغالاة ولا زيادة في الأسعار عن الاسعار اللي حددتها الدولة للسلع.
وزارة التموين أكدت أنها هتفتح عدد كبير من فروع ومعارض اهلا رمضان في كل المحافظات وهتكون المعارض مفتوحة من بداية شهر فبراير اللي جاي، ده غير المعارض اللي الحكومة بالتعاون مع المحافظات بتفتتحها كل يوم زي اسواق اليوم الواحد واللي منتشرة بشكل كبير في المحافظات والقري والأحياء علشان توفر كل السلع اللي الأسر بتحتاجها باسعار مناسبة وبالتالي المواطن ميكونش فريسة سهلة لجشع التجار.
الحكومة أكدت كمان أنها هتضخ كميات كبيرة من السلع والمستلزمات في كل المولات والسلاسل التجارية المعتمدة وهتكون الاسعار فيها مراقبة بشكل كبير جدا، ده غير الكميات اللي هيتم ضخها في منافذ كلنا واحد التابعة لوزارة الداخلية واللي برضوا بتقدم كل السلع والمستلزمات الغذائية باسعار مخفضة للمواطنين.
0 تعليق