يا ترى إيه حكاية المجمع الصناعي اللي بتنفذه الحكومة دلوقتي وهيقدر يوفر أكتر من 3 آلاف فرصة عمل، والمجمع ده هيكون خاص بصناعات إيه، وايه هي المكاسب الاقتصادية منه، وامتى هنشوفه قائم على أرض الواقع.
في الساعات الأخيرة، حصل تطور جديد في جهاز تنمية المشروعات، وتحديدا تم توقيع عقد مشروع في ميت عقبة، وهيكون تطوير للمنطقة بجانب تنفيذ مجمع صناعي فيها، بإجمالي تمويل 20 مليون جنيه، وده بيجي ضمن اتفاقية برنامج الارتقاء الحضري بالمناطق غير المخططة في مصر، والممولة من الاتحاد الأوروبي، بمنحة إضافية مفوضة إلى الوكالة الفرنسية للتنمية.
والخطوة دي بتعبر مبادرة اقتصادية مهمة من جهاز تنمية المشروعات المتوسطة والصغيرة ومتناهية الصغرؤ، عشان يقدر يوفر كل الدعم لقطاع المشروعات الصغيرة ومتناهية الصغر، واللي بتساهم في خطة الدولة للنهوض بالقطاع ده، وبتزود مساهمته في دعم الاقتصاد الوطني.
ونقدر نقول، إن العقد الجديد ده، هيحصل فيه تطوير منطقة ميت عقبة، وتنفيذ مشروع إحلال وتجديد شبكات مياه الشرب بطول 6900 متر، وهيستفيد مته حوالي 21 ألف مواطن من سكان المنطقة، كما هيوفر المشروع 14 ألف يومية عمل للعمالة غير المنتظمة.
والحكومة دلوقتي بتحرص على المشروعات دي، عشان تقدر تدعم وتحسن الخدمات المقدمة للمواطنين، وتعزز جهود الدولة المصرية في تحسين معيشة المواطنين وتطوير الخدمات المقدمة لهم بمختلف القطاعات، خاصة وإن مصر دلوقتي بتشهد اهتمام غير مسبوق بملف تطوير العشوائيات والمناطق غير المخططة، وتوفير الحياة الكريمة للمواطنين.
كمان، المشروع ده بيتكلف 20 مليون جنيه، وبيجسد التعاون المستم بين محافظة الجيزة وجهاز تنمية المشروعات الصغيرة والمتوسطة لتنفيذ مختلف أنشطة برنامج الارتقاء الحضري لتطوير المناطق العشوائية وتحسين مستوى معيشة المواطنين من خلال الارتقاء بالبنية الأساسية بالمناطق دي، وتوفير الطرق المناسبة والمياه والإنارة.
وطبعا، كل ده بيمهد البيئة المناسبة لسكان المناطق ]ي لإقامة مشروعات صغيرة جديدة أو الاستمرار في مشروعاتهم القائمة، عشان كل ده يساعد على توفير فرص عمل مستدامة لأبناء المناطق دي.
وبخصوص جهاز تنمية المشروعات، فقدر ن ينفذ مشروعات جديدة ضمن الاتفاقية دي بقيمة 216.5 مليون جنيه، واتضمنت تنفيذ مشروعات صيانة وترميم وتوريد أجهزة واثاث للمدارس، ومد واحلال خطوط مياه شرب، وانشاء خزان مياه، وإحلال وتجديد لخطوط شبكات انحدار للصرف الصحي، ورصف طرق اسفلتية وتأهيل شوارع وغيرها.
كمان، برنامج الارتقاء الحضري في المناطق غير المخططة هو جزء من أنشطة كتيرة بينفذها الجهاز بتنفيذها بالتعاون مع الجهات الدولية لتطوير البنية الأساسية في مختلف المحافظات، واللي هتساهم في إنشاء مشروعات اقتصادية صغيرة لأهالي المناطق دي.
ضيف على كل ده، إن التنمية الحضرية في مصر واللي بتتنفذ دلوقتي بتكون بداية لتنمية اقتصادية كبيرة، هتتحقق في الفترة الجاية وهنشوفها بعنينا على أرض الواقع.
0 تعليق