أكد الإعلامي عمرو أديب أن مصر تتحمل مسؤولية كبيرة في الوقت الحالي تجاه القضية الفلسطينية.

وقال أديب خلال برنامج "الحكاية" المذاع على قناة "إم بي سي مصر": "جايز الناس مش واخدة بالها من مدى خطورة اللي بتعمله مصر اليومين دول، مصر اليومين دول شايلة مسؤولية كبيرة".

وأضاف: "الرئيس ترامب من نص ساعة قال لو بكرة الدنيا مظبطتش إسرائيل هتتصرف وبتاع، حضرتك عارف أن إسرائيل وهي بتتصرف رجالتك جوة؟ مصر شايلة المسؤولية وبتنفذ".

وتابع: "حضرتك على بوابة رفح وهذه القوافل والطوابير من الماكينات والجرارات عاملة نكد للجانب الإسرائيلي، النكد الإسرائيلي أن أنت بتقوله هنقدر على الإعمار وهما خايفين من الإثبات المصري وأنت جاهز بالحل".

وواصل: "أنا مش بقولك إنه لا واحتمال ينفع أنا داخل أهو وبقولك ينفع وعشرة كمان، ينفع أدخل وأبتدي أشتغل ويبقى تكرار لكلمة سحرية في العالم كله، البديل المصري وتكلم أي حد في العالم يقولك البديل المصري".

وأكمل: "الملك عبد الله لما كان في واشنطن قال إحنا عندنا البديل المصري، وفي رزمة ورق بالتفصيل مصر عندها الخطة بالتوقيتات والشركات والتمويل والمصري شايل مسؤوليته وكلمته على الطرابيزة وطبعا الإسرائيلي أنت كده هتبوظ الدنيا".

وأوضح: "مصر متحملة مسؤولية شعبية ونفسية وشعبية ومصر قالت إحنا مع غزة وأننا داخلين عشان نبدأ التعمير والمصري بيقولك أنا ابتديت ابني".

وأكمل: "عندهم الظابط بتاع الجهاز التعبان هناك عنده مليون طريقة وعارف أن ناس على تكة عشان كل واحد يقولك شوفت مش قلتلك؟ ولكن إحنا أهو بس ندخل كل يوم يقولك طيب نستنى ولكن المعلومة اللي عندي أن يوم الحد هذه القدرات والنوايا المصرية الضخمة تدخل وتحقق".

واختتم: "في ناس كان نفسهم تطلع خاين وجبان ومتراجع وبايع وأنت طلعت من أنضف المواقف وبالإثبات وباعتراف عدوك هو كان نفسه في إيه؟ أنه يطلع يقولك شوفتوا المصريين باعوا ولكن لم يحدث هيموتوا، لأن مفيش شغل كيف تستطيع أن تهاجم عبد الفتاح السيسي الليلة".