هو ايه اللي بيحصل في ملف الاستثمارات في مجال الطاقة، وليه أكبر الشركات العالمية بتقدم عروض مغرية عشان تيجي تشتغل في مصر، هل في محفزات من الحكومة للشركات دي عشان تيجي تفتح مصانع لها عندنا، ولا مصر عندها ثروات نادرة بتجذب الشركات التقيلة؟
في الحقيقة، الاستثمار في الطاقة بقى واحد من أهم الملفات اللي شغالة عليها الحكومة دلوقتي، بسبب زيادة طلب المستثمرين على النوع ده من الاستثمار.
عشان كده، المهندس حسن الخطيب، وزير الاستثمار والتجارة الخارجية، التقى في الساعات الأخيرة، مسؤولي شركة إمباور نيو إنيرجي، وبحث فرص التعاون في قطاع الطاقة المتجددة وتعزيز الشراكات الاستراتيجية واللي بالتأكيد هتدعم التنمية المستدامة.
ومن هنا، أكد الوزير حرص الحكومة على جذب الاستثمارات الأجنبية في قطاع الطاقة، وإن المشاريع دي بتلعب دور محوري في تحقيق الاستدامة البيئية، وده بجانب دورها في تعزيز كفاءة الطاقة في القطاعات الصناعية والتجارية والزراعية، عشان تساهم في دعم الاقتصاد الوطني وتعزز تنافسية السوق المصري.
وقريب جدا، هنلاقي مشروعات شركة إمباور نيو إنيرجي في الطاقة المتجددة موجودة على أرض الواقع في مصر، خاصة وإن الدولة وفرت لها بيئة استثمارية جاذبة بتدعمها وبتدعم القطاع الخاص ككل، وكمان بتييح فرص تمويلية مرنة عشان تعزز نمو المشروعات الكبيرة والصغيرة.
كمان، حاليا وزارة الاستثمار بتسهل الإجراءات للمستثمرين عشات تحفزهم على العمل في قطاع الطاقة النظيفة، عشان المشاريع دي بتساهم في خفض التكاليف التشغيلية وتعزيز القدرة التنافسية للشركات العاملة في السوق المصري.
وبرضو، الحكومة دلوقتي بتدعم الشراكات بين القطاعين العام والخاص، عشان تضمن تنفيذ مشروعات ذات قيمة مضافة عالية، وتساعد في تحقيق التنمية الاقتصادية المستدامة وفقًا لرؤية مصر 2030.
ومن ضمن المكاسب الاقتصادية للشراكة دي، هو إن التعاون مع الشركات العالمية بيعزز مكانة مصر كمركز إقليمي للاستثمار والتجارة، في الوقت اللي الحكومة بتهتم فيه جدا بدعم الشركات المحلية والأجنبية وتعزيز النمو الاقتصادي المستدام.
ومن هنا، أكد مسؤولو شركة إمباور نيو إنيرجي، إن الشركة هتوسع نشاطها في مصر و10 أسواق أفريقية، لأن مشروعاتها بتعتمد على حلول طاقة نظيفة بتكاليف منخفضة، وده هيعزز استدامة قطاع الطاقة، وهيوفر مزايا تنافسية للشركات المستفيدة على مدى 9 سنين.
ونقدر نقول إن التعاون ده بيجسد جهود الحكومة المصرية في تهيئة مناخ استثماري جاذب للمستثمرين، ويؤكد كمان إن قطاع الطاقة المتجددة واعد جدا وهيكون مستقبل الاستثمارات في مصر، خاصة وإننا عندنا إمكانات كبيرة هتخلب بلدنا مركز إقليمي واعد للاستثمار في المجال ده.
0 تعليق