تطبيق انستاباي بقي واحد من اهم التطبيقات الموجودة دولوقتي علي تليفون كل مصري.. ياتري امتي هيتم فرض رسوم علي استخدام التطبيق وهل ممكن التطبيق يفضل مجاني.

الجمهورية الجديدة اللي الرئيس عبدالفتاح السيسي اسسها بتقوم قواعدها الاساسية علي التحول الرقمي واللي اصبح موجود في كل القطاعات في الدولة المصرية، واحد من القطاعات دي هو قطاع المال والبنوك، واللي حاليا شهد طفرة كبيرة في مجالات المعاملات البنكية واللي اغلبها بقي بيتم عن طريق الهاتف المحمول وبمنتهي السهولة واليسر من خلال التطبيقات الالكترونية المنتشرة وابرزها تطبيق انستاباي.

مع الوقت تحول تطبيق انستاباي من تطبيق عادي علي تليفون المصريين لواحد من أهم أدوات التحويلات الرقمية، والبنك المركزي عمل أدوات كتيرة للتحديث المستمر للتطبيق لمعالجة اي مشكلات تقنية ممكن تحصل، وكمان للتأكد من بيانات الطرف اللى بيتم التحويل له قبل إتمام عملية التحويل لتفادى مشكلات رد الأموال.

طيب امتي تطبيق انستاباي هيتحول من تطبيق مجاني لفرض رسوم علي المعاملات البنكية؟.
مع نهاية 2024ن البنك المركزي طلع وأعلن عن استمرار مجانية تطبيق انستاباي لمدة 3 شهور جاية هتنتهي مع نهاية مارس 2025، وقبل ما المدة دي تنتهي البنك هيعقد اجتماع لمناقشة مدة الفترة أو فرض رسوم جديدة علي اجراء المعاملات المالية من خلال التطبيق، والهدف من قرار مد مجانية التطبيق هو تحفيز المواطنين على استخدام الخدمات المالية الرقمية، والاستفادة من مميزات إنجاز الخدمات المالية بسرعة ومن أي مكان وفي أي وقت، لتحقيق رؤية الدولة للتحول لمجتمع أقل اعتمادا على أوراق النقد وتعزيز الشمول المالي.

البنك المركزي كمان حدود تحويل الأموال من خلال تطبيق إنستاباى، وحاليا وصل الحد الأقصي للتحويل لقيمة المعاملة الواحدة لـ 70 ألف جنيه، ووكمان رفع الحد الأقصى لإجمالى المعاملات اليومية وصل لـ120 ألف جنيه، ووصل الحد الأقصى للمعاملات الشهرية للتحويل لـ400 ألف جنيه.

في الحقيقة البنوك المركزي تحت رئاسة حسن عبدالله في الفترة الحالية بيتبع خطة مكبرة لتحفيز المواطنين علي الدخول في منظومة التحول الرقمي، وده ضمن خطة الدولة لتسهيلات المعاملات اليومية ووصل حجم المعاملات المنفذة من خلال تطبيق انستاباي لما يقرب نت 1.5 مليار معاملة بقيمة وصلت لـ2.9 تريليون جنيه في 2024، ووصل عدد مستخدمين الخدمة لما يقرب عن 12.5 مليون عميل.